The CEO Sri Lanka කියන්නේ ලංකාවේ ව්‍යාපාරික ක්ෂේත්‍රයේ නැගී එන ව්‍යාසායකයින්ව, ව්‍යාපාරිකයන්ව, කලමනාකාර අධ්‍යක්ෂකවරුන්ව, බිස්නස් ලෝකයේ කප් ගහපු ශ්‍රී ලංකිකයින්ව හදුන්වාදුන්, ඔවුන්ගේ කැපවීම් අගයකල, ව්‍යාපාරිකයින් සහ ව්‍යාවසායකයින් ප්‍රවර්ධනය කල කල නමක් දිනාගෙන සිටි සගරාවක්.
ඒම සගරාවේ ලබන වසරේ, 2021 ජනවාරි, මුල්ම කලාපයේ කවරය (front cover) වෙන්කර ඇත්තේ සහ කවරයේ කතාව (front-page story) වී ඇත්තේ අගමැති කාර්‍යාලය මන්ඩල ප්‍රධානී යෝශිත රාජපක්ෂ වෙනුවෙනුයි. ඔහු එහි දිගහරින කතාව තමයි "මහන්සිවී වැඩකිරීමෙන් තොරව ජීවිතයේ කිසිවක් පහසුවෙන් නොලැබේනු ඇත" යන්නයි (nothing in life comes easy you need to work hard for it).
ඕක ඉතින් කවුරුත් දන්න පට්ට ගහපු කතාවක්නේ...
ඕක කියන්න එයා එන්න ඔනේ නැහැනේ. රටේ මිනිස්සු දන්නේ නැද්ද එයා ගෙදර ඉදන් නාවික හමුදාවේ එයා මහන්සිවෙලා වැඩ කරලා පදක්කමුත් ගැහැව්වා කියලා. ඒ කොරෝනා කාලෙට කලින්, ඔන්ලයින් ගෙදර ඉදන් වැඩ කරන්න (Working From Home) පටන් ගන්න බොහෝ කාලෙට කලින් (එන්න ඒ ක්‍රමය රටට හදුන්වා දුන්නේ එයාලා කිව්ව නම් තව කමක් නෑ). ඒ විතරක්ද නාවික හමුදාවේ ඉන්න ගමන් කොච්චර මහන්සිවෙලා වැඩකලාද කියනවා නම් Carlton Sports Network (CSN channel) කියලා රූපවාහිනී සේවයකුත් පටන්ගත්තා. ඒවට සල්ලි ආවේ කොහොමද කියලා කියන්න ඩේසී ආච්චිගේ මැණික් මල්ලටත් බැරිවුනා.
දැන් මෙහෙම මහන්සිවෙලා වැඩකල අයෙක්ගෙන්ද ලංකාවේ ව්‍යාපාරක ප්‍රජාව අතර නමක් දිනාගෙන සිටින The CEO Sri Lanka වගේ සගරාවක් සිය මුල් පිටුව සහ කවරේ කතාව සරසන්නේ? අනෙක අගමැති කාර්‍යාලය මන්ඩලයේ ප්‍රධානියා ලෙස කටයුතු කිරීමට ඔහුට ඇති සුදුසුකම් මොනවාද?
ඇත්තටම, ඔය කිසිවක් දැන් ඔය පත්තර, සගරාවලට වැදගත් නෑ. මොනම හෝ කුනුගොඩක්දාලා තමන්ගේ අලවිය වැඩිකර ගැන්න පුලූවන් නම් එච්චරයි. අනික අගමැති කාර්‍යාලය මන්ඩලයේ ප්‍රධානියා යෝශිත වගේ කෙනෙක් ගේ පින්තූරයක් දාලා මොකක් හරි පල්හැල්ලක් දාපුවහම ඔය සගරාවටත් හොදයයි. ආන්ඩුවේ දැන්වීම් (ad) ටිකක් හරි ගන්න පුලුවන්.
ලංකාවේ විතරක් නෙමේ පිටරටවල පත්තර/සගරාවලත් ඔය ගේම ගහනවා. ඒ කියන්නේ ව්‍යාපාරිකයා ගැන අර්ටිකල් (article) එකක් කරනවා, ඒ අතරේම ඔවුන්ගේ නිෂ්පාදන සහ සේවා ගැන දැන්වීම් (ad) යනවා. එහෙම බලද්දී අර ව්‍යාපාරිකයා ගැන අර්ටිකල් (article) එකත් මුදල් ගෙවා ප්‍රදර්ශනය කරගත්ත එකක්ම තමයි.
දැන් ලංකාව වගේ රටවල පත්තර/සගරා පවතින්නේම ඔහොම තමයි. ඇත්තටම හොදටම පවතින්න නම් හොදම ක්‍රමය ආන්ඩුවෙන් දැන්වීම් (ad) ගන්න ක්‍රමයක් හදාගන්න එක තමයි හොදම ක්‍රමය කියලා ඒ අය හොදටම දන්නවා. ඉතින් ඔය යෝශිත රාජපක්ෂලාගෙන් මුල් පිටුව සකස්කරලා, පොඩි විස්තරයකුත් දාලා මුට්ටිය දාලා බලන්නෙත් ඒකටමයි. අනික යෝශිත රාජපක්ෂලා හරහා රාජපක්ෂලා එක්ක ඩීල් එකක් දාගන්න පුලුවන් නම් ව්‍යාපාරික සගරාවකට, එහි කතෘවරුන්ට විතරක් නෙමේ ඒවගේ සම්බන්දකම් ඔස්සේ ඩීල් දාගන්න බලාපොරොත්තුවෙන අනෙක් ව්‍යාපාරිකයන්ටත් හොදයි.
ඇත්තටම මේවායින් අපිට පෙන්වා දෙන්නේ ලංකාවේ ප්‍රකට, නමක් තිබෙන, ව්‍යාපාරික සගරාවකට අත්වී ඇති ඉරනම විතරක්වත්, ලංකාවේ ව්‍යාපාරික ක්ෂේත්‍රයට අත්වී ඇති ඉරනම ගැන විතරක්වත් නෙමේ; රාජපක්ෂ රෙජීමය යටතේ ආපහු මේ රටේ තවත් එක් ක්ෂේත්‍රයකට අත්වෙමින් යන ඉරනමක් සහ රටේ එක එක ක්ෂේත්ර ක්‍රමයෙන් කුරුවල්වෙන ආකාරය කොයි ආකාරද යන්නයි.
කමක් නෑ වැටිලා ඉන්න රටක් තියෙනවා නේ...
මාකස් ප්රියන්ත පෙරේරා.
29/12/20
එකඟයි👍
ReplyDelete👍👍👍
ReplyDeleteමීට වඩා සුදුස්සෙක් ඉන්නවද 'hard work, engagement, discipline, persistence and commitment' ගැන කතා කරන්න. කොහොමත් දැන් ලන්කාවෙ අය 'පියුමෙහි පැනි බොති වන බඹරු' නිසා ඕවා ගානක් නැහැ.
ReplyDelete