This blog is dedicated to my home town Negombo, its people, its history, culture, its life, politics and the norms and the values which I learned from them.

Monday 14 September 2020

හරිනි අමරසූරිය මතුකරන කාන්තාවන්ගේ නොගෙවන ශ්‍රමය පිළිබද ප්‍රශ්නය


''මෙතන ඉන්න කාන්තාවෝ වැඩිදෙනෙක් මිනීමරුවෝ"

ස්වාමීන්වහන්සේ නමක් බණකදී එහෙම කියන Facebook එකේ සංසරණයවූ වීඩියෝවක තිබී මම අහගෙන හිටියා. ඉතා ප්‍රසිද්ධ හාමුදුරු නමක් වූ උන්වහන්සේ එහෙම කියන්න හේතුවුනේ දැන් කාන්තාවන් ඉස්සර වගේ දරුවන් හදන්නේ නැහැ කියන අදහස ගෙනහැර දැක්වීමටයි. එහිදී ඒ හාමුදුරුවෝ කිව්ව දේ තමයි එම හාමුදුරුවන්ගේ පවුලේ 10දෙනෙකු සිටි බවත්, අම්මා එම දරුවන් 10 දෙනාව රැක බලාගෙන, ගෙදර වැඩ කරගෙන, උයා පිහාගෙන, මේ සියළු දේවල් කරගෙන සිටියත් දැන් කාන්තාවන් එහෙම කරන්න අපොහොසත් බවයි. 

ඇත්තටම දැන් කාන්තාවන් එහෙම දරුවන් විශාල ප්‍රමාණයක් හදන්නේ නැතිවුනත්, පවුල් වල එහෙම දරුවෝ වැඩි දෙනෙක් නැතිවුනත්, කාන්තාවන් කරන, නැතිනම් කරන්න තියෙන වැඩ ප්‍රමාණයේ අඩුවීමක් වෙලා තියෙනවාද? 

නැහැ. 

වැඩ ප්‍රමාණය තව තවත් වැඩිවෙලා තියෙනවා...විශේෂයෙන්ම දරුවන්ගේ වැඩ වැඩිවෙලා තියෙනවා...අර පන්තියටයි, මේ පන්තියටයි ඇදලාම වෙලාව ගෙවිලා යනවා. උයන පිහන ගේ දොර වැඩ වලට අමතරව රැකියාවකුත් කරන්න වෙලා තියෙන්නවා.

ඒ නිසා සමහර කාන්තාවෝ නැගිටින්නේ උදේ පාන්දර 4ට 5ට. ඒ අස්සේ වයසට ගිහින් ඉන්න දෙමාපියන්ව බලාගන්න හරි, අසනීප ළමයෙක් රැක බලා ගන්න ආදී කාරණයක් පැවරුනොත් එකත් වැටෙන්නේ ඇයගේ කර මතටමයි. එත් කවුරුත් කථා කරන්න කැමති පවුල්වල දරුවන් අඩුයි කියන එක හෝ කාන්තාවන් දරුවන් හදන්නේ නෑ කියන එක විතරයි. 

කාන්තාවන් දරුවන් බලාගැනීම සහ කාන්තාවන් ගෙදර තුල කරන විශාල කාර්යභාරය, ඒ කියනේ ආහාර සකස්කිරීම, දරුවන් රැක බලා ගැනීම, වැඩිහිටියන්, රෝගීන්, විශේෂ අවශ්‍යතා තියෙන අය රැකබලාගැනීම යනාදිය සදහා ඒ අය වැටුපක් නොලැබුවත් ඒ වැඩේ කරන්න පිටින් කවුරු හරි ගන්න උනොත් එකට මුදලක් ගෙවන්න වෙනවා...

අපේ කාන්තාවන් මැද පෙරදිග ඇතුළු බොහෝ රටවලට ගිහිල්ලා කරන්නෙත් එවැනි වැඩ තමයි. හැබැයි ඒවාට වැටුපක් ලැබෙනවා...නමුත් ගෙදර ඉදන් ඒ ටිකම කලත් එහි අගයක් නැහැ...ඒවා කාන්තාවන්ගේ වගකීම් කියලා හිතන එක විතරයි වෙන්නේ...

වැටුපක් නොලබා මේ කරන වැඩ කොටස සමාජයේ මෙන්ම ජාතික ආර්ථිකයේද ඇගයීමට ලක්විය යුතුයි කියලා මාලිමාවෙන් පත්කළ මන්ත්‍රිනී හරිනි අමරසූරිය මහත්මියගේ මංගල පාර්ලිමේන්තු කථාවෙන්ම, මෙතෙක්  ශ්‍රී ලංකා පාර්ලිමේන්තුව තුල සාකච්චාවට ලක්නොවූ, මෙම කාරණය  ගැන සදහන් කිරීම ඉතා වටිනවා...ආර්ථික ප්‍රතිපත්ති සකස් කිරීමෙන්දී එම සේවා ගැන නිසි සැලකිල්ලක් යොමුවිය යුතුයි. මම හිතන්නේ ශ්‍රී ලංකා පාර්ලිමේන්තුව තුල ඇය මතු කල කාරණයට රට පුරාම විශාල අවධානයක් යොමුවිය යුතු බවයි. 

මේම රටවල නම් ගෙදර ඉදන් කාව හරි බලාගන්නවා නම් එකට මුදලක් ගෙවනවා...තමන්ගේම දරුවෙක් හරි තමන්ගේම දෙමාපියන් වුනත් බලාගත්තත් ඒ සදහා මුදලක් ගෙවනවා. එය caregivers ලෙස හදුන්වා දෙනු ලබනවා. මෑතකදී සිදුකල ගණන් බැලීම්වලට අනුව බ්‍රිතාන්‍ය ආර්ථිකය තුල පමණක් ගෘහස්ථ වශයෙන් කාන්තාවන් සිදුකරන කාර්යන්හි ශ්‍රමයේ දායත්වය බ්‍රිතන්‍යය ආර්ථිකය තුල පවුම් ට්‍රිලියන 1.24ක ලෙස සලකනවා.

ඇත්තවශයෙන්ම ලංකාව තුලත් මේ තත්වය ගැන අවධානය යොමු කල යුතුයි. වැටුප් ලබා හෝ නොලබා කාන්තාවන් කරන මේ කාර්යභාරයන්ට සමාජ පිළිගැනීමක් මෙන්ම ආර්ථික වටිනාකමකුත් හිමිවිය යුතුයි. 

"එය කිරීම කාන්තාවන්ගේ උරුමය ලෙස සමාජය සලකනවා. සමහර කාන්තාවන් මෙම වැඩ කොටස රැකියාවක් ලෙස කලත් එක පිළිගැනීමෙන් අඩු, කිසිම නියාමනයක් නැති, බොහෝ විට කම්කරු නීතියකට යටත් නොවී කරන රැකියාවක්. නමුත් මෙම වැඩ කොටස නොකරන්නේ නම්, ආර්ථිකයට පවතින්නත් බැහැ..." හරිනි අමරසූරිය නගපු ඒ හඩ ගැන අප සියල්ලන්ම ඇයට කෘතවේදී විය යුතුයි. ඒ වගේම නීති සම්පාදන ක්‍රියාදාමය තුල මෙන්ම, ආර්ථික ප්‍රතිපත්ති තුලත්, විශේෂයෙන්ම සමාජ තුලත් මේ සදහා විශාල අවධානයක් යොමුවිය යුතුයි.

මාකස් ප්‍රියන්ත පෙරේරා
14/09/20
Image may contain: 1 person, text

Like
Comment
Share

4 comments:

  1. good post, but Sri lankan people don't like this type of posts. Particularly, majority of Sri Lankan males don't want to give up their male privileges. They simply very short sighted to not to see the disastrous outcomes of this attitude.

    ReplyDelete
  2. Thank you. Yes I agree, I think over the period of time they will realise that they really have to address these issues and should adopt a more supportive approach to assist women issues.

    ReplyDelete
  3. https://lankacitizens.com/social/හරිනි-අමරසූරිය-මතුකරන-කා/

    ReplyDelete