1952දී පාකිස්ථානයේ ලාහෝර් නුවර උපත ලබා එංගලන්තයේ ද්වීතීය අධ්‍යාපනය (R.G.S. Worcester) සහ ඔස්ෆෝඩ් (Keble College-Oxford) විශ්වවිද්‍යාලයෙන් උපාධිධාරියෙක් බවට පත්වූ ඉම්රාන් ඛාන් පාකිස්ථානයේ වීරයා බවට පත්වනුවේ 1992 දී ඔහුගේ නායකත්වය යටතේ ක්‍රිකට් ලෝක කුසලානය දිනාගැනීමට හැකිවූ නිසාය.
ඒ වනවිටත් 40වන වියේ සිටි ඔහු වරක් පාකිස්ථාන කණ්ඩායමෙන් විශ්‍රාම ගොස් සිටි අයෙකුද විය. එහෙත් පාකිස්ථානයේ පසමිතුරු අනෙකාවූ ඉන්දියාව මෙන්ම ඔවුන්ටද ක්‍රිකට් ලෝක කුසලානය දිනාගැනීමට අවශ්‍යවූ නිසා ඉම්රාන් ඛාන්ට නැවත පාකිස්ථාන ක්‍රිකට් කණ්ඩායමට පැමිණ, එහි නායකත්වය ගෙන ජාතියේ බලාපොරොත්තු ඉටුකරන්නැයි එවකට පාකිස්ථාන ජනාධිපතිවරයාවූ සියා උල් හක් ඉල්ලා සිටියේය. ලාහෝරයේ ඔහුගේ නිවස අසල රැස්වූ ජනයාද මෙම ඉල්ලීම බාරගන්නා ලෙස ඉල්ලමින් ඉම්රාන් ඛාන්ගේ නිවස අසල පෙළපාලි ගියේය. ඉම්රාන් ඛාන් නැවත ක්‍රිකට් පිටියට පැමිණියා පමණක් නොව 1992 ලෝක ක්‍රිකට් කුසලානය පාකිස්ථානයට දිනාදීමටද කටයුතු කළේය.
එලෙස පාකිස්ථාන බලාපොරොත්තු ඉටුකළ වීරයා බවට පත්වූ ඉම්රාන් ඛාන්, ක්‍රිකට් කණඩායමේ පමණක් නොව රටේ නායකයාවීමටද සුදුසුයැයි එකල කියවිනි. එහෙත් ඔහු යුදෙව් කාන්තාවක්වූ Jemima Goldsmith සමග විවාහවීමත් සමග ඉම්රාන් ඛාන් පාකිස්ථාන ජාතික නායකයා වියයුතුය යැයි සිහින දුටු ජාතිකවාදීන්ගේ බලාපොරොත්තු සුන්විය. වීරයා නොබෝ කලකින්ම ද්‍රෝහියෙක් විය. මුස්ලිම් ඉම්රාන් ඛාන් යුදෙව් ජාතික කාන්තාවක් විවාහ කරගැනීම එරට මෙන්ම අපේ රටවල ජාතිකවාදීන්ද දැක්වුයේ බටහිර කුමන්ත්‍රණක් ලෙසය. එහෙත් ඊශ්‍රායලය සහ පලස්තීනය සාම ගිවිසුමකට එළබි ඒ සමයේහිම මුස්ලිම් ඉම්රාන් ඛාන් යුදෙව් Jemima Goldsmith විවාහකර ගැනීම සහජීවනය රජයන නව ලොවක් පිළිබද බලාපොරොත්තු දල්වන්නක් ලෙස දැක්වුවන්ද නොසිටියාද නොවේ.
එහෙත් ඉන් වසර නවයකට පසු ඔහු එම ''කුමන්ත්‍රණයෙන්'' ගැලවිනි. ඒ කාලයේම Pakistan Today පුවත්පතට දුන් සම්මුඛ සාකච්ඡාවකදී ඔහු ප්‍රකාශයක් කර ඇත්තේ 'වෙනස ඔබ සිදුකලේ නැතිනම්, ඔබ වෙනසකට නතුවෙවී' යනුවෙනි. එම ප්‍රකාශනයටම සමාන ප්‍රකාශනයක් ඔහු මෙවර සිය මැතිවරණය සදහාද යොදාගත්තේය. එනම් වෙනස ඔබ සිදුනොකළහොත් වෙනස ඔබව නිර්මාණය කරවී යන්නය(if don't create the change, change will create you.)
ඔහු දක්වන වෙනස යනු පාකිස්ථානය වෙලාගෙන ඇති දුෂණයෙන් එරට බේරාගත යුතුබවය. තවද කාශ්මීර ප්‍රශ්නය විසදාගැනීමට ඉන්දියාව සමග සම්මුතියකට පැමිණිය යුතු බවද ඔහු දක්වයි. පාකිස්ථානයට ත්‍රස්වාදය පැමිනෙන්නේ ඇෆ්ගනිස්තානයෙන් බවත් එරටේ ත්‍රස්‌තවාදය පිටුදැකීම පාකිස්ථානයේ ත්‍රස්‌තවාදය පිටුදැකීම හා සමාන බවත් දක්වයි. එහෙත් ඇමරිකාව ඇෆ්ගනිස්ථානයට එල්ලකරන ප්‍රහාරවලට ඔහු විරුද්ධය. පාකිස්ථානය ඇමරිකානු අභිලාශයන් ඉටුකරන භූමියක් හෝ පහසුකම් සපයන්නෙක් නොවිය යුතුබව ඔහුගේ අදහසයි. එසේම අතිවිශාල චීන ප්‍රාග්ධනය පාකිස්ථානයට කඩාවැදීමට ඔහු විරුද්ධය. චීන සේද මාවතේ එක් දොරටුවක්වීම පාකිස්ථානයට අනතුරුදායක බව පෙන්වාදී තිබේ. ඒ සියල්ලට වඩා සමාජ සුබසාධනය සහිත ඉස්ලාම් ජනරජයක් බවට පාකිස්ථානය පත්කිරීමටත්, කෘෂිකර්මය සහ අධ්‍යාපනය නගාසිටුවීමත් ඔහු සිය ආර්ථික වැඩ පිළිවෙල ලෙස දක්වා තිබේ. සුළු ජාතීන්ගේ සහ කාන්තාවන්ගේ අයිතිවාසිකම් ගැනද ඔහු යම් ප්‍රගතිශීලී ස්ථාවරයක සිටී.
එහෙත් එවැනි සීරුමාරු දේශපාලන වෙනස්කම් පහසුවෙන් ක්‍රියාවේ නැන්විය හැකි තත්වයක් එරට නොමැත. මන්දයත් පාකිස්ථානය යනු සුවිශේෂි වෙනස්කම් රාශියකින් යුතු ඉස්ලාම් ආගමික ජාතිකවාදයක් මුල්බැසගත්, පසුගාමී ගෝත්‍රික ජන ඝානතත්වයක් මෙන්ම සැලකිය යුතු බලපෑමක් සහිත මධ්‍යම පන්තියකින්ද යුතු රටකි. සිය විදේශ ප්‍රතිපත්තිය සකස් කරගැනීමේදී මෙන්ම ස්වදේශීය කටයුතු සහ ජාතික ආරක්ෂව සම්බන්දයෙන්ද පසමිතුරු අසල්වැසි ඉන්දියාව, ඇෆ්ගනිස්ථානය සහ ඈත එපිට පිහිටි ඇමරිකාවද, මෑතක සිට චීනය කෙරෙහිද යම් බර තැබීමකට සහ අවධානය යොමුකිරීමක් සිදුකිරීමට එරට යොමුව ඇත. තවද එරට දේශපාලනයේ අනෙක් බලවේගය ලෙස සැලකෙන, දේශපාලනයට ඍජුව මැදිහත්වන, පාකිස්ථාන ආරක්ෂ හමුදාවද, එරට විශාල ණය බරද නොසලකා කටයුතුකිරීමට පාකිස්ථානයේ බලයට පත්වෙන කිසිවෙකුට නොහැක. වසර 70කට මදක් වැඩි එරට ඉතිහාසයෙන් අර්ධයක්ම පාලනය කලේ හමුදා පාලනයන් විසිනි.
එමෙන්ම එරට ධන උපායන මාර්ග මෙන්ම ජාතික සම්පත්වල අයිතිය සහ පාලනය සම්බන්දයෙන්ද ඉහතකී සියලු සාධකයන් දක්වනුයේ දැඩි සම්බන්ධයක් සහ ඍජු මැදිහත්වීමකි. ඒ සියල්ල කලමාණාකරනය කිරීමට පාකිස්ථාන ප්‍රජාතන්ත්‍රවාදී දේශපාලන ප්‍රවාහය කෙතෙක් ශක්තිමත්ද යන්න වෙන්නම ප්‍රශ්නයකි.
ආර්ථික, සමාජ සහ දේශපාලන ව්‍යූහය තවමත් ක්‍රමවත් ලෙස සකස්වී නොමැති බාහිරෙන් මෙන්ම අභ්‍යන්තරයෙන්ද වියවුල්වලින් ගහනවූ පාකිස්ථානය වැනි රටක් වෙනස් කරන්නේ කෙසේද? යන්න මෙන්ම වෙනස් කරන්නේ කුමක්ද? යන්න හදුනාගැනීමත් ඉම්රාන් ඛාන් වැනි දේශපාලන ක්‍රීඩකයන්ට යම් ආකාරයක අභියෝගාත්මක කාර්යකි. එය දුෂණය පිටු දැකීම වැනි ජනප්‍රිය දේශපාලන සටන්පාඨවලට පමණක් සීමා නොවන එයට වඩා ඉතාමත් සංකීරණ සහ පුළුල් කාර්යභාරයකි.
ඒ සියල්ලටම පෙර ඉම්රාන් ඛාන්න දැන් නව රජයක් පිහිටවිය යුතුය. නිල ප්‍රතිපලය තවමත් නිකුත්වී නැතිමුත් බහුතර රජයක් පිහිටවීමට ඔහුට අඩුම වශයෙන් ආසන 30ක් වත් මදිවේතයි විශ්වාස කරයි. බොහෝදුරට නව රජයක් පිහිටුවීමට ඔහුට අපහසු නැත. වෙනම දේශපාලන පක්ෂයක් පිහිටුවා ගනිමින් වසර 22ක් දේශපාලනයේ නිරතවිය. ඔහු වැනිම ක්‍රිකට් ලෝක කුසලානයක් දිනා දේශපාලනයට පැමිණි අපේ රටේ අර්ජුන රණතුංග මෙන් ඔහු පක්ෂයෙන් පක්ෂයට, ආණ්ඩුවෙන් ආණ්ඩුවට මාරුවී අජූතවුයේ නැත. ඉම්රාන් ඛාන් නිරතවුයේ දිගින් දිගටම දේශපාලන වෙනස්කම් ඉලක්ක කරගත් ඉල්ලීම් මුල්කරගත් උද්ගෝෂණ ස්වරූපයක් දැරූ විපක්ෂ දේශපාලනයකය. ක්‍රමයෙන් වර්ධනයවූ ඔහුගේ දේශපාලන ජනප්‍රියත්වය නිසාම හමුදා කුමන්ත්‍රණයකින් බලයට පැමිණි පාර්වේෂ් මුෂ්රාෆ් 1999 දී ඉම්රාන් ඛාන්ට එරට අගමැතිකම භාරගන්නා ලෙස අරාධනා කළේය. එහෙත් ඔහු පාර්වේෂ් මුෂ්රාෆ්ට දුෂණ පිටුදැකීමේ දේශපාලනයක නිරතවන්නේ නම් එයට නොපැකිලිව සහයෝගය දක්වන බව පමණක් දැක්වීය.
විපක්ෂයේ සිට දිගින් දිගටම අඛණ්ඩව දුෂණයට එරෙහිව, පාකිස්ථානයට සිදුකරන ඇමරිකානු, චීන සහ ඉන්දියානු මැදිහත්වීම් වලට එරෙහිව, ඉස්ලාමීය සුබසාධන රාජ්‍යක් වෙනුවෙන් ඔහු දේශපාලනයේ නිරතවිය. ක්‍රීඩකයෙකු ලෙස නිතිපතා පුහුණුවත්, විවේක කාලයේ කියවීමත්, සමාජ ආශ්‍රරයත් තමාන්ගේ ක්‍රීඩා දිවියේ සාර්ථකතත්වයට හේතුවූ බව වරක් බ්‍රිතාන්‍යයේ Guardian පුවත්පතට දක්වා සිටි ඉම්රාන් ඛාන් දේශපාලකයෙකුගේ පුහුණුව සහ පරිචය ගොඩනැගෙනුයේ ජනතා අරගලය තුල යැයිද දැක්වීය. වසර 23ක අඛණ්ඩ, දුෂ්කර සහ ස්වාධීන දේශපාලන ගමනක ප්‍රතිපලයක් ලෙස දැන් ඔහු පාකිස්ථානයේ නායකත්වයට පත්වීමට නියමිතය.
කෙසේවුවද, දැන් බලාසිටිය යුත්තේ පාකිස්ථානය වෙනස් කිරීමට ඉම්රාන් ඛාන් සමත්වේද, නැතහොත් පාකිස්ථානය ඉම්රාන් ඛාන් වෙනස් කරයිද යන්නය.
මාකස් ප්‍රියන්ත පෙරේරා
28/07/2018.
එලෙස පාකිස්ථාන බලාපොරොත්තු ඉටුකළ වීරයා බවට පත්වූ ඉම්රාන් ඛාන්, ක්‍රිකට් කණඩායමේ පමණක් නොව රටේ නායකයාවීමටද සුදුසුයැයි එකල කියවිනි. එහෙත් ඔහු යුදෙව් කාන්තාවක්වූ Jemima Goldsmith සමග විවාහවීමත් සමග ඉම්රාන් ඛාන් පාකිස්ථාන ජාතික නායකයා වියයුතුය යැයි සිහින දුටු ජාතිකවාදීන්ගේ බලාපොරොත්තු සුන්විය. වීරයා නොබෝ කලකින්ම ද්‍රෝහියෙක් විය. මුස්ලිම් ඉම්රාන් ඛාන් යුදෙව් ජාතික කාන්තාවක් විවාහ කරගැනීම එරට මෙන්ම අපේ රටවල ජාතිකවාදීන්ද දැක්වුයේ බටහිර කුමන්ත්‍රණක් ලෙසය. එහෙත් ඊශ්‍රායලය සහ පලස්තීනය සාම ගිවිසුමකට එළබි ඒ සමයේහිම මුස්ලිම් ඉම්රාන් ඛාන් යුදෙව් Jemima Goldsmith විවාහකර ගැනීම සහජීවනය රජයන නව ලොවක් පිළිබද බලාපොරොත්තු දල්වන්නක් ලෙස දැක්වුවන්ද නොසිටියාද නොවේ.
ඔහු දක්වන වෙනස යනු පාකිස්ථානය වෙලාගෙන ඇති දුෂණයෙන් එරට බේරාගත යුතුබවය. තවද කාශ්මීර ප්‍රශ්නය විසදාගැනීමට ඉන්දියාව සමග සම්මුතියකට පැමිණිය යුතු බවද ඔහු දක්වයි. පාකිස්ථානයට ත්‍රස්වාදය පැමිනෙන්නේ ඇෆ්ගනිස්තානයෙන් බවත් එරටේ ත්‍රස්‌තවාදය පිටුදැකීම පාකිස්ථානයේ ත්‍රස්‌තවාදය පිටුදැකීම හා සමාන බවත් දක්වයි. එහෙත් ඇමරිකාව ඇෆ්ගනිස්ථානයට එල්ලකරන ප්‍රහාරවලට ඔහු විරුද්ධය. පාකිස්ථානය ඇමරිකානු අභිලාශයන් ඉටුකරන භූමියක් හෝ පහසුකම් සපයන්නෙක් නොවිය යුතුබව ඔහුගේ අදහසයි. එසේම අතිවිශාල චීන ප්‍රාග්ධනය පාකිස්ථානයට කඩාවැදීමට ඔහු විරුද්ධය. චීන සේද මාවතේ එක් දොරටුවක්වීම පාකිස්ථානයට අනතුරුදායක බව පෙන්වාදී තිබේ. ඒ සියල්ලට වඩා සමාජ සුබසාධනය සහිත ඉස්ලාම් ජනරජයක් බවට පාකිස්ථානය පත්කිරීමටත්, කෘෂිකර්මය සහ අධ්‍යාපනය නගාසිටුවීමත් ඔහු සිය ආර්ථික වැඩ පිළිවෙල ලෙස දක්වා තිබේ. සුළු ජාතීන්ගේ සහ කාන්තාවන්ගේ අයිතිවාසිකම් ගැනද ඔහු යම් ප්‍රගතිශීලී ස්ථාවරයක සිටී.
එහෙත් එවැනි සීරුමාරු දේශපාලන වෙනස්කම් පහසුවෙන් ක්‍රියාවේ නැන්විය හැකි තත්වයක් එරට නොමැත. මන්දයත් පාකිස්ථානය යනු සුවිශේෂි වෙනස්කම් රාශියකින් යුතු ඉස්ලාම් ආගමික ජාතිකවාදයක් මුල්බැසගත්, පසුගාමී ගෝත්‍රික ජන ඝානතත්වයක් මෙන්ම සැලකිය යුතු බලපෑමක් සහිත මධ්‍යම පන්තියකින්ද යුතු රටකි. සිය විදේශ ප්‍රතිපත්තිය සකස් කරගැනීමේදී මෙන්ම ස්වදේශීය කටයුතු සහ ජාතික ආරක්ෂව සම්බන්දයෙන්ද පසමිතුරු අසල්වැසි ඉන්දියාව, ඇෆ්ගනිස්ථානය සහ ඈත එපිට පිහිටි ඇමරිකාවද, මෑතක සිට චීනය කෙරෙහිද යම් බර තැබීමකට සහ අවධානය යොමුකිරීමක් සිදුකිරීමට එරට යොමුව ඇත. තවද එරට දේශපාලනයේ අනෙක් බලවේගය ලෙස සැලකෙන, දේශපාලනයට ඍජුව මැදිහත්වන, පාකිස්ථාන ආරක්ෂ හමුදාවද, එරට විශාල ණය බරද නොසලකා කටයුතුකිරීමට පාකිස්ථානයේ බලයට පත්වෙන කිසිවෙකුට නොහැක. වසර 70කට මදක් වැඩි එරට ඉතිහාසයෙන් අර්ධයක්ම පාලනය කලේ හමුදා පාලනයන් විසිනි.
එමෙන්ම එරට ධන උපායන මාර්ග මෙන්ම ජාතික සම්පත්වල අයිතිය සහ පාලනය සම්බන්දයෙන්ද ඉහතකී සියලු සාධකයන් දක්වනුයේ දැඩි සම්බන්ධයක් සහ ඍජු මැදිහත්වීමකි. ඒ සියල්ල කලමාණාකරනය කිරීමට පාකිස්ථාන ප්‍රජාතන්ත්‍රවාදී දේශපාලන ප්‍රවාහය කෙතෙක් ශක්තිමත්ද යන්න වෙන්නම ප්‍රශ්නයකි.
ආර්ථික, සමාජ සහ දේශපාලන ව්‍යූහය තවමත් ක්‍රමවත් ලෙස සකස්වී නොමැති බාහිරෙන් මෙන්ම අභ්‍යන්තරයෙන්ද වියවුල්වලින් ගහනවූ පාකිස්ථානය වැනි රටක් වෙනස් කරන්නේ කෙසේද? යන්න මෙන්ම වෙනස් කරන්නේ කුමක්ද? යන්න හදුනාගැනීමත් ඉම්රාන් ඛාන් වැනි දේශපාලන ක්‍රීඩකයන්ට යම් ආකාරයක අභියෝගාත්මක කාර්යකි. එය දුෂණය පිටු දැකීම වැනි ජනප්‍රිය දේශපාලන සටන්පාඨවලට පමණක් සීමා නොවන එයට වඩා ඉතාමත් සංකීරණ සහ පුළුල් කාර්යභාරයකි.
ඒ සියල්ලටම පෙර ඉම්රාන් ඛාන්න දැන් නව රජයක් පිහිටවිය යුතුය. නිල ප්‍රතිපලය තවමත් නිකුත්වී නැතිමුත් බහුතර රජයක් පිහිටවීමට ඔහුට අඩුම වශයෙන් ආසන 30ක් වත් මදිවේතයි විශ්වාස කරයි. බොහෝදුරට නව රජයක් පිහිටුවීමට ඔහුට අපහසු නැත. වෙනම දේශපාලන පක්ෂයක් පිහිටුවා ගනිමින් වසර 22ක් දේශපාලනයේ නිරතවිය. ඔහු වැනිම ක්‍රිකට් ලෝක කුසලානයක් දිනා දේශපාලනයට පැමිණි අපේ රටේ අර්ජුන රණතුංග මෙන් ඔහු පක්ෂයෙන් පක්ෂයට, ආණ්ඩුවෙන් ආණ්ඩුවට මාරුවී අජූතවුයේ නැත. ඉම්රාන් ඛාන් නිරතවුයේ දිගින් දිගටම දේශපාලන වෙනස්කම් ඉලක්ක කරගත් ඉල්ලීම් මුල්කරගත් උද්ගෝෂණ ස්වරූපයක් දැරූ විපක්ෂ දේශපාලනයකය. ක්‍රමයෙන් වර්ධනයවූ ඔහුගේ දේශපාලන ජනප්‍රියත්වය නිසාම හමුදා කුමන්ත්‍රණයකින් බලයට පැමිණි පාර්වේෂ් මුෂ්රාෆ් 1999 දී ඉම්රාන් ඛාන්ට එරට අගමැතිකම භාරගන්නා ලෙස අරාධනා කළේය. එහෙත් ඔහු පාර්වේෂ් මුෂ්රාෆ්ට දුෂණ පිටුදැකීමේ දේශපාලනයක නිරතවන්නේ නම් එයට නොපැකිලිව සහයෝගය දක්වන බව පමණක් දැක්වීය.
විපක්ෂයේ සිට දිගින් දිගටම අඛණ්ඩව දුෂණයට එරෙහිව, පාකිස්ථානයට සිදුකරන ඇමරිකානු, චීන සහ ඉන්දියානු මැදිහත්වීම් වලට එරෙහිව, ඉස්ලාමීය සුබසාධන රාජ්‍යක් වෙනුවෙන් ඔහු දේශපාලනයේ නිරතවිය. ක්‍රීඩකයෙකු ලෙස නිතිපතා පුහුණුවත්, විවේක කාලයේ කියවීමත්, සමාජ ආශ්‍රරයත් තමාන්ගේ ක්‍රීඩා දිවියේ සාර්ථකතත්වයට හේතුවූ බව වරක් බ්‍රිතාන්‍යයේ Guardian පුවත්පතට දක්වා සිටි ඉම්රාන් ඛාන් දේශපාලකයෙකුගේ පුහුණුව සහ පරිචය ගොඩනැගෙනුයේ ජනතා අරගලය තුල යැයිද දැක්වීය. වසර 23ක අඛණ්ඩ, දුෂ්කර සහ ස්වාධීන දේශපාලන ගමනක ප්‍රතිපලයක් ලෙස දැන් ඔහු පාකිස්ථානයේ නායකත්වයට පත්වීමට නියමිතය.
කෙසේවුවද, දැන් බලාසිටිය යුත්තේ පාකිස්ථානය වෙනස් කිරීමට ඉම්රාන් ඛාන් සමත්වේද, නැතහොත් පාකිස්ථානය ඉම්රාන් ඛාන් වෙනස් කරයිද යන්නය.
28/07/2018.
No comments:
Post a Comment