හරීන් ප්‍රනාන්දු 'බෝර්න් අගේන්ද?' ඔය ප්‍රශ්නය පසුගිය දින කිහිපයේම කිහිප දෙනෙක්ම මගෙන් ඇසු ප්‍රශ්නයකි. ඇත්තටම මම ඒ ගැන කිසිවක් නොදනිමි. එහෙත් හරීන් ප්‍රනාන්දු 'බෝර්න් අගේන්ද?' කියා අසන්නේ ඔහු මැරිලා උපන්නාද? වැනි ප්‍රශ්න කිරීමක නොව ඔහු 'බෝර්න් අගේන් ක්‍රිස්තියානි' (Born Again Christian) ආගමට බැදුන කෙනෙක්ද යන පදනමකින් බව දනිමි. හරීන් ප්‍රනාන්දුගේ ආගම ගැන ද මම කිසිවක් නොදනිමි. එහෙත් හරීන් ප්‍රනාන්දු 'බෝර්න් අගේන්ද'? කියා අසන්නේ ඔහු තවදුරත් කතෝලික නොවේද? යන පදනමකින් බව මම තේරුම් ගනිමි. මේ සියල්ල මතුවන්නේ හරීන් ප්‍රනාන්දු අගරදගුරු මැල්කම් රංජිත් කාදිනල්තුමාව විවේචන කිරීමේ සංදර්භයක් තුලය. විශේෂයෙන්ම හරීන්ට අගරදගුරු කියා කියාගන්නටවත් නොහැකි පසුබිමක් තුලය. 'කාදිනල්ව දකිනකොටත් හිරිකිතයි' කියා කියන පසුබිමක් තුලය. හරීන් කතෝලිකයෙක් නොවන්නේද? ඔහු 'බෝර්න් අගේන්' වැනි කතෝලික සභාව ප්‍රතික්ෂේප කරන ආගමකට බැදී තිබේද? යන කුකුස මතුවෙන්නේ එවැනි පදනමක් තුලය.
හරීන් දක්වා ඇති ආකාරයට ඔහුගේ මව බෞද්ධය. පියා කතෝලිකය. අධ්‍යාපනය ලබා ඇත්තේ කතෝලික පාසලක්වන මරදාන සා. ජෝසප් විදුහලේය. හරීන් සහ කතෝලික ආගම අතර ඇති සම්බන්දය ඊට වඩා ගැබුරට විහිදී ගියබවක් නොපෙනේ. ඔහු කතෝලිකවුවද, නොවුවද, පැහැදිලිවම කතෝලික පල්ලිය සමග ඇති සම්බන්දතාවලින් ඈත්වූවෙක්, විගලිතවුවෙක්, දුරස්වුවෙක් බව ඔහු ලංකා කතෝලික සභා නායකයින්ට චෝදනාකරන ආකාරයෙන්ම පෙනීයයි.
මීට දශක 5-6කට පෙර කතෝලික සභා නායකයින්ව විවෙච්නය කල ක්‍රිස්තියානින්ව සැලකුවේ වාමාංශිකයන් ලෙසය. කලක් මහජන එක්සත් පෙරමුනේ සභාපතිවරයා ලෙස කටයුතු කළ, 1947 මහා මැතිවරණයේදී මීගමුව ආසනයට ලංකා සම සමාජ පක්ෂයෙන් තරගකල, කුමාරතුංග මුනිදාසයන් සමග හෙළ හවුලේ ආරම්භකයෙක් ලෙස කටයුතුකල, ව.ස. ප්‍රනාන්දු ගුරුන්නාන්සේ වැනි ප්‍රකට ගුරුවරු එසේ වාමාංශිකයින් ලෙස සලකා පල්ලියේ කනත්තවත් නොදිය යුතුයි කියා සැලකු වාමාංශිකයින්ය (එහෙත් නැසීගිය නිකුලස් මාකස් ප්‍රනාන්දු කොළඹ අගරදගුරුවරයා පසුකලක ව.ස. ප්‍රනාන්දු මහතාගේ මීගමුව සෝන්ඩර්ස් පාරේ නිවසට පැමිණ ඔහු සහ සභා නායකයින් අතර පැවති ආරව්ව සමතයකට පත්කර ගත්තේය). එහෙත් මේ යුගයේ කතෝලික සභාව සහ එහි නායකයින් විවේචනය කරන බොහෝදෙනාව පොදුවේ හදුන්වාදීම සදහා දැන් භාවිතා කරන්නේ ඔවුන් 'බෝර්න් අගේන් ක්‍රිස්තියානි' (Born Again Christian) සභාවන්ට බැදුන පිරිස් ලෙස හදුන්වාදීමය. හරීන් ප්‍රනාන්දු බෝර්න් අගේන් ද? කියා අසන්නේ එවැනි පදනමක් තුලවිය හැක.
ඇත්තවශයෙන්ම, 'බෝර්න් අගේන් ක්‍රිස්තියානි' සභාවන් ගැන ලංකාවේ විශාල විවේචනයක් ගොඩනැගෙමින් තිබේ. ඒ ඔවුන් කතෝලිකයන්ව, හින්දුන්ව පමණක් නොව වැඩි වශයෙන් බෞද්ධයන්වද මුදල් මෙන්ම විවිධ වරදානදෙමින් ඔවුන්ගේ ක්‍රිස්තියානි ආගමට හරවාගන්නේයැයි යන චෝදනාව මතය. තවද ශ්‍රී ලංකා ක්‍රිකට් කණඩායමේ ක්‍රීඩකයන්වද, එක්සත් ජාතික පක්ෂය ඇතුළු විවිධ දේශපාලන පක්ෂවල මන්ත්‍රීවරුන්වද, විවිධ ඉහල තනතුරු දරන පුද්ගලයින්වද 'බෝර්න් අගේන් ක්‍රිස්තියානි' සභාවන් බිලිබාගෙන ඇති බවට විවිධ චෝදනා එල්ලවී ඇත. මෙවර මහා මැතිවරණයට පොහොට්ටුවෙන් ගම්පහ දිස්ත්‍රිකයට තරගකරන නාලක ගොඩහේවා 'බොර්න් අගේන්' ක්‍රිස්තියානි සාමාජිකයෙක් බවත් ගෝඨාභය රාජපක්ෂ ජනාධිපතිවරයා ඇතුළු රජය ඔහු ඇතුළු 'බොර්න් අගේන්' කල්ලියේන් බේරාගතයුතු බවත් මැඩිල්ලේ පඥ්ඥාලෝක හිමියන් ප්‍රකාශකළ බව මාධ්‍ය වාර්තාවල පලවී තිබුණි. 'බෝර්න් අගේන්' යනු එතරමටම ශ්‍රී ලංකා රාජ්‍යය තුලට ප්‍රවිෂ්ටවූ එහි සිංහල බෞද්ධ පදනම් පවා යටින් හාරා බිද දැමිය හැකි තර්ජනයක් ලෙස ඉස්මතුවී ඇති බව නලින්ද සිල්වා මහාචාර්යතුමාගේ රචනා ඇසුරෙන් මෙන්ම දිවයින පුවත්පතේ වරින්වර පලවෙන පුවත් ඇසුරින්ද පෙනීයයි.
ඇත්තවශයෙන්ම, නලින්ද සිල්වාගේ රචනා ඇසුරෙන් මෙන්ම විවිධ පුවත්පත් වාර්තා ඇසුරෙන් පෙනීයන තවත් කරුණක් නම් 'බෝර්න් අගේන්' කල්ලියට එරෙහිව මෙරට සිටිනා ප්‍රධාන සතුරා කාදිනල් මැල්කම් රංජිත් ඇතුළු කතෝලික සභාව බවය. විශේෂයෙන්ම නලින්ද සිල්වාට අනුව කාදිනල් මැල්කම් රංජිත් එක්සත් ජාතික පක්ෂය සලකන්නේ 'බෝර්න් අගේන්' කල්ලියට නතුවූ පක්ෂයක් හෝ ඔවුන්ට සහයෝගය දක්වන 'ඇන්ග්ලිකන් ක්‍රිස්තියානි' පක්ෂයක් ලෙසය. ඒ අනුව සිංහල බෞද්ධ රාජ්‍යයට තර්ජනයක්වන 'බෝර්න් අගේන්' සතුරාගේ සතුරාවන කාදිනල් මැල්කම් රංජිත් ඔවුන්ට 'මිතුරෙකි'!! ඔවුන්ට අනුව කාදිනල් මැල්කම් රංජිත් යනු සිංහල බෞද්ධ පදනමට ගරුකරන, එහි නයිසර්ගික පැවැත්ම පිළිගන්නා, වචනයකින්වත් එයට හානිවෙන හෝ අභියෝගවෙන කිසිවක් නොකියන, නොකරන, සුවීච සහකරුවෙකි, කොටස්කරුවෙකි!! පාස්කු ප්‍රහාරයෙන් පසුව නම් ඉස්ලාමීය ත්‍රස්‌තවාදයට එරෙහි සටනේදී ප්‍රබල මිත්‍ර පාක්ෂික සටන් සගයෙකි !! එපමනක් නොව නව ලිබරල් ධනවාදී ගෝලීය ආධිපත්‍යයෙන් එල්ලවන විවිධ තර්ජන හමුවේ පලිහක්සේ පෙරට පැමිණෙන ප්‍රබල ආරක්ෂකයෙකි!!! කාදිනල් මැල්කම් රංජිත්ට එකෙකු හෝ වචනයක් කීවිට, කරුණා අම්මාන් සිංහල සෙබළුන් සිය දහස්ගානක් මරූ බව කීවත් ඒගැන වද නොවී, කාදිනල්ගේ සහයට ඔවුහු වහා වහා සටනට වඩින්නේ ඒහිනි!!!
නලින්ද සිල්වා වැනි ජාතිකවාදීන්ගේ තක්සේරැව කෙසේවුවද 'බෝර්න් අගේන් ක්‍රිස්තියානි' (Born Again Christian) සභා වැනි ඒවන්ජලිකල් ක්‍රිස්තියානි සභා (Evangelical Christianity) සමග කතෝලික සභාවේ පාප්තුමා වැනි ඉහල නායකත්වයන් කටයුතුකරමින් සිටින්නේ වෙනත් ආකල්පයක සිටය. කතෝලික-ප්‍රේතෙස්තන්ත්‍ර ආගම් අතර යුරෝපයේ පැවති 30 අවුරුදු යුද්ධය අවසන්වී දැන් බොහෝ කල් ගෙවීගොසිනි. එකී ආගමික බෙදීම් අතර දැන් ඇත්තේ යුද්ධය වෙනුවට සහයෝගයය. සමාදානයය. සහෝදරත්වයය. අඩු වැඩි වශයෙන් 'බෝර්න් අගේන් ක්‍රිස්තියානි' (Born Again Christian) සභා වැනි ඒවන්ජලිකල් ක්‍රිස්තියානි සභා (Evangelical Christianity) සමගද කතෝලික පල්ලිය යම් ආකාරය අන්‍යෝන්‍ය අවබෝධයක් ගොඩනගාගැනීමට කටයුතු කරමින් සිටී. අනෙක් අතට ඉස්ලාමීය ත්‍රස්‌තවාදයට එරෙහි පෙරමුණකට කතෝලික සභාව පෙළගැසෙන්නේ නැත. ඒ වැඩේ කරගහගෙන යන්නේ කතෝලික පල්ලිය නොව බටහිර රාජ්‍යයන්ය. එමෙන්ම නව ලිබරල් ධනවාදී ගෝලීය ආධිපත්‍යය සම්බන්දයෙන් කතෝලික සභාව විටෙන්විට, වරින් වර විවිධ විවේචනයන් එල්ලකලද නව ලිබරල් ධනවාදී ගෝලීය ආධිපත්‍යට විරුද්ධව ඍජු පෙළගැසීමක් නම් කතෝලික සභාව තුල දක්නට නැත.
එහෙත්, රංජිත් මැල්කම් කාදිනල්වරයා ලංකාව තුලදී නම් නව ලිබරල් ධනවාදී ගෝලීය ආධිපත්‍යය සම්බන්දයෙන් යම් යම් විවේචන ඉදිරිපත් කරයි. එහෙත් ඒ විශේෂයෙන්ම එක්සත් ජාතික පක්ෂ පාලනයක් පවතින අවස්ථාවලය. එකී ප්‍රතිපත්ති බොහෝදුරට රාජපක්ෂ පාලනයක් තුල දිග හැරෙනවිට ඔහුට එයට දක්වන්නේ ඉතා අල්මරුන උන්නදුවකි. ඇතැම්විට අපිට මේ ගැන තවමත් පැහැදිලි නිගමනයකට ඒමට කල් වැඩි වියහැක. කෙසේවුවද, කාදිනල් මැල්කම් රංජිත් මැල්කම් පාස්කු ප්‍රහාරයට පෙර සිටම රනිල් වික්‍රමසිංහගේ පාලනය ප්‍රතික්ෂේප කල, එහි බිදවැටීම අපේක්ෂා කලබව අවස්ථා කිහිපයකදීම පැහැදිලිවිය. විශේෂයෙන්ම රනිල් වික්‍රමසිංහගේ ජාතික ආණ්ඩුවෙන් ඉවත්වී ගිය ශ්‍රී ලංකා නිදහස් පක්ෂ මන්ත්‍රීවරු කාදිනල්තුමා බැහැදැකීමට ගිය අවස්ථාවේ ඔහු ඔවුන් සමග සිදුකල අදහස් බෙදාගැනීම තුල රනිල් වික්‍රමසිංහගේ පාලනය පිලිබදව සිය අප්‍රසාදය ප්‍රසිද්ධියේ මාධ්‍ය හමුවේ ප්‍රදර්ශනය කළේය.
ඔහු රනිල් වික්‍රමසිංහගේ ආණ්ඩුව බිදවැටීම අපේකෂා කලබව පැහැදිලිය. ඒ පාස්කු ප්‍රහාරයට වසර ගණනාවකට පෙරය. කාදිනල්තුමා රනිල් වික්‍රමසිංහගේ ආණ්ඩුවේ බිදවැටීම අපේකෂා කලේ ඔවුන් බටහිර නව ලිබරල් ධනවාදී ගෝලීය බලපෑම රටතුලට ගෙඩිය පිටින් කැන්දන් එන නිසා බව කියැවුනි. ඒකී බටහිර නව ලිබරල් ධනවාදී ගෝලීය ක්‍රියාදාමය තුල 'බෝර්න් අගේන් ක්‍රිස්තියානි' වැනි ඒවන්ජලිකල් ක්‍රිස්තියානි සභා මෙන්ම සමලිංගික විවාහ නීතිගත කිරීම දක්වා විහිදුන විශාල පරාසයක්විය. රනිල් වික්‍රමසිංහගේ එක්සත් ජාතික පක්ෂයට විරුද්ධ නිසාම කාදිනල් රාජපක්ෂවාදියෙකු යැයි යන මතයක් තහවුරුවුවා නොව එවැනි මතයක් ගොඩනැගීමටත්, තහවුරු කිරීමටත් කටයුතුකලේ රාජපක්ෂවාදීන්මය. 'අප සමග නොසිටින්නා අපේ අනෙකා' යැයි යන්න වෙනුවට රාජපක්ෂවාදය ලංකාව තුල ගොඩනැගුවේ 'අප සමග නොසිටින්නා අපේ හතුරාය' යන දෘඩ මතය ය. එවැනි සංදර්භයක් තුල කාදිනල්ට කාගේවත් හතුරෙක්වීමට අවශ්‍ය නැත. අනෙක් අතට රාජපක්ෂලා 'බෝර්න් අගේන්' වැනි ඒවන්ජලිකල් ක්‍රිස්තියානි සභා මෙන්ම සමලිංගික විවාහ නීතිගත කිරීම දක්වා විශාල පරාසයක විහිදෙන බටහිර නව ලිබරල් ධනවාදී ගෝලීය බලපෑම රටතුලට ගෙඩි පිටින් කැන්දන් එන්නේ නැති බව කාදිනල්තුමාට එත්තුයාමට ඇති ඉඩකඩද අතිමහත්ය. ඒ සියල්ලටම වඩා රාජපක්ෂ පාලනයක් තුල ආගමීක සංස්ථාපිතයන්ට, හික්ෂුන් ඇතුළු සියලු ආගමීක නායකත්වයන්ට රාජ්‍යය සැකැස්ම තුල හිමිවන අද්වීතීය ස්ථානයේ රශ්මිය ලංකා කතෝලික සභාවේ පියතුමන්ලාටද ආගම නායකයන් ලෙස නිබදවම ගලාඑන බව කාදිනල්තුමා පැහැදලිවම දනී. පුජකයින්ට, ආගමික සංස්ථාපිතයන්ට සුවිශේෂ වැදගත්කමක් හිමි නොවන රනිල් වික්‍රමසිංහලාගේ, මංගල සමරවීරලාගේ බටහිර නව ලිබරල් ධනවාදයට වඩා රාජපක්ෂලාගේ 'නව වැඩවසම් ග්‍රාම්‍ය ධනවාදය' ඔවුන්ට කෙතරම් නම් ආශ්වාදජනක වියහැකද?
එහෙත් හරීන් ප්‍රනාන්දුලාට එහි දිග පළල නොතේරේ. ඔහු හිතන්නේ කාදිනල් උපන්ගෙයිම රාජපක්ෂවාදියෙක් හෙවත් 'බෝර්න් රාජපක්ෂවාදියෙකු' බවද? එහෙම අය නැති බව හරීන් පමණක් නොව අප සියල්ලන් දනී. හරීන්ට මෙන්ම කාදිනල්ටද රනිල් විරෝධියෙකුවීමට ඕනෑ තරම් හේතු ඇත. ඒ හේතු පිලිබදව නිසි අධ්‍යයනයකින් තොරව කාදිනල් විවේචනය කිරීම හරීන්ට මැරිලා උපදින්නටම, නැවත ඉපදීමට ම, බොර්න් අගේන් වීමටම කටයුතු සැලසනු නියතය.
ඇත්තවශයෙන්ම, මහින්දානන්දගේ ක්‍රිකට් ලෝක කුසලානය පවාදීම ගැන කථාද, හරීන්ගේ කාදිනල් විවේචනයද, කරුණාගේ කොටි කෙරුවාවල්ද හුදු හිස් ලාභ මැතිවරණ ප්‍රචාරණය උපක්‍රමයන්ට වඩා වැඩක් ඇති කථාවන් ලෙස සැලකියයුතු නොවේ. අනෙක් අතට කාදිනල් පාස්කු ප්‍රහාරය දඩමීමා කරගෙන කතෝලික ඡන්ද ගෝඨා පිලට ලබාදෙන්නට දැවැන්ත උත්සාහයක් ගත් බවට ඔහු කරන චෝදනාව පැහැදිලිවම පදනම් විරහිතය. විශේෂයෙන්ම කතෝලික ප්‍රදේශවල ජනයා චන්ද භාවිතාකර තිබු ආකාරය දෙස බැලීමේදීවුවද එය පැහැදිලිවම පෙනීයන්නකි. මීගමුවේදී ගෝඨාභය පරාදය...මීගමුවේ පමණක් නොව කටුවපිටිය චන්ද කොට්ටාශ දෙකේම ඔහු පරාදය... ආසන්න වශයෙන් ලංකාවේ මුළු කතෝලික ජන්ද සංඛ්‍යාව ලක්ෂ 7ක් පමණය. ඉන් ලක්ෂ 5කට වඩා සිටින්නේ මොරටුවේ සිට හලාවත දක්වා වෙරළ තීරයේය. එම ප්‍රදේශවලින් ගෝඨාභය රාජපක්ෂට වැටුන චන්ද සංඛ්‍යාව දෙස බැලීමේදී පෙනීයන්නේ කාදිනල් පාස්කු ප්‍රහාරය දඩමීමා කරගෙන කතෝලික ඡන්ද ගෝඨා පිලට ලබාදෙන්නට දැවැන්ත උත්සාහයක් ගත් බවට ඔහු කරන චෝදනා පදනම් විරහිත බවය. පැහැදිලිවම පැවසිය යුතුදෙයක් වනුවේ කතෝලිකයින්ගේ චන්ද ප්‍රකාශකිරීම සහ කතෝලිකයින්ගේ දේශපාලන මතය සම්බන්දයෙන් කාදිනල්ට තියා පල්ලියේ ස්වාමි කෙනෙකුටවත් කල හැකි මහා ලොකු බලපෑමක් නැති බවය. කාදිනල්ට මෙන්ම පල්ලිවල පියතුමන්ලාද කතෝලික ජනයාගේ අධ්‍යාත්මික ජීවිතයට විශාල බලපෑමක් එල්ල කල හැකිවුවද කතෝලිකජනයාගේ දේශපාලන මතයන් සමබන්දයෙන් කලහැකි කිසිදු බලපෑමක් නැති තරම්ය. අත්තවශයේන්ම, ඔවුන් ඒ සදහා තීරණාත්මක මැදිහත් නොවේ. පැහැදිලිවම පල්ලිය කියන කරන දේ අනුව අපේ අපේ පලාත්වල මිනිස්සුන් චන්දේදීමට යන්නේ යන්නේ නැත. අපේ බටහිර වෙරළ තීරයේ ජනයා 'මරියා වන්' ගැන මෙන්ම 'මාරියාවන්' (ගහගෙන මහ රැල්ල) ගැනද හොදින් දනී. එහෙයින් එන එන රැල්ලට ඔවුන් පැන පැන ප්‍රතිචාර දැක්වීමට නොයයි. එක්සත් ජාතික පක්ෂය එකී ප්‍රදේශවල ජනයාට සුවිශේෂ කිසිවක් නොකලද ජාතිවාදයට නතු නොවීම, නිදහස සහ ප්‍රජාතන්ත්‍රවාදය යන කරුණු නිසා ඔවුහු එක්සත් ජාතික පක්ෂයට යම් සහයෝගයක් දැක්වුවන බව පැහැදිලිය. එහෙත් ඔවුන්ට හෝ ඔවුන්ගේ ප්‍රදේශවල සංවර්ධනයට කිසිවක් නොකර එක්සත් ජාතික පක්ෂයේ චන්ද බැංකුවක් ලෙස එම ප්‍රදේශ සහ එම ජනයා සම්බන්දයෙන් කටයුතු කිරීමට යෑම නිසාම එක්සත් ජාතික පක්ෂය සිය පදනම් අහිමිකරගනිමින් සිටී. හරීන් ප්‍රනාන්දු කරගනිමින් සිටිනේද එයය.
මාකස් ප්‍රියන්ත පෙරේරා
24/06/2020
ඇත්තවශයෙන්ම, 'බෝර්න් අගේන් ක්‍රිස්තියානි' සභාවන් ගැන ලංකාවේ විශාල විවේචනයක් ගොඩනැගෙමින් තිබේ. ඒ ඔවුන් කතෝලිකයන්ව, හින්දුන්ව පමණක් නොව වැඩි වශයෙන් බෞද්ධයන්වද මුදල් මෙන්ම විවිධ වරදානදෙමින් ඔවුන්ගේ ක්‍රිස්තියානි ආගමට හරවාගන්නේයැයි යන චෝදනාව මතය. තවද ශ්‍රී ලංකා ක්‍රිකට් කණඩායමේ ක්‍රීඩකයන්වද, එක්සත් ජාතික පක්ෂය ඇතුළු විවිධ දේශපාලන පක්ෂවල මන්ත්‍රීවරුන්වද, විවිධ ඉහල තනතුරු දරන පුද්ගලයින්වද 'බෝර්න් අගේන් ක්‍රිස්තියානි' සභාවන් බිලිබාගෙන ඇති බවට විවිධ චෝදනා එල්ලවී ඇත. මෙවර මහා මැතිවරණයට පොහොට්ටුවෙන් ගම්පහ දිස්ත්‍රිකයට තරගකරන නාලක ගොඩහේවා 'බොර්න් අගේන්' ක්‍රිස්තියානි සාමාජිකයෙක් බවත් ගෝඨාභය රාජපක්ෂ ජනාධිපතිවරයා ඇතුළු රජය ඔහු ඇතුළු 'බොර්න් අගේන්' කල්ලියේන් බේරාගතයුතු බවත් මැඩිල්ලේ පඥ්ඥාලෝක හිමියන් ප්‍රකාශකළ බව මාධ්‍ය වාර්තාවල පලවී තිබුණි. 'බෝර්න් අගේන්' යනු එතරමටම ශ්‍රී ලංකා රාජ්‍යය තුලට ප්‍රවිෂ්ටවූ එහි සිංහල බෞද්ධ පදනම් පවා යටින් හාරා බිද දැමිය හැකි තර්ජනයක් ලෙස ඉස්මතුවී ඇති බව නලින්ද සිල්වා මහාචාර්යතුමාගේ රචනා ඇසුරෙන් මෙන්ම දිවයින පුවත්පතේ වරින්වර පලවෙන පුවත් ඇසුරින්ද පෙනීයයි.
ඇත්තවශයෙන්ම, නලින්ද සිල්වාගේ රචනා ඇසුරෙන් මෙන්ම විවිධ පුවත්පත් වාර්තා ඇසුරෙන් පෙනීයන තවත් කරුණක් නම් 'බෝර්න් අගේන්' කල්ලියට එරෙහිව මෙරට සිටිනා ප්‍රධාන සතුරා කාදිනල් මැල්කම් රංජිත් ඇතුළු කතෝලික සභාව බවය. විශේෂයෙන්ම නලින්ද සිල්වාට අනුව කාදිනල් මැල්කම් රංජිත් එක්සත් ජාතික පක්ෂය සලකන්නේ 'බෝර්න් අගේන්' කල්ලියට නතුවූ පක්ෂයක් හෝ ඔවුන්ට සහයෝගය දක්වන 'ඇන්ග්ලිකන් ක්‍රිස්තියානි' පක්ෂයක් ලෙසය. ඒ අනුව සිංහල බෞද්ධ රාජ්‍යයට තර්ජනයක්වන 'බෝර්න් අගේන්' සතුරාගේ සතුරාවන කාදිනල් මැල්කම් රංජිත් ඔවුන්ට 'මිතුරෙකි'!! ඔවුන්ට අනුව කාදිනල් මැල්කම් රංජිත් යනු සිංහල බෞද්ධ පදනමට ගරුකරන, එහි නයිසර්ගික පැවැත්ම පිළිගන්නා, වචනයකින්වත් එයට හානිවෙන හෝ අභියෝගවෙන කිසිවක් නොකියන, නොකරන, සුවීච සහකරුවෙකි, කොටස්කරුවෙකි!! පාස්කු ප්‍රහාරයෙන් පසුව නම් ඉස්ලාමීය ත්‍රස්‌තවාදයට එරෙහි සටනේදී ප්‍රබල මිත්‍ර පාක්ෂික සටන් සගයෙකි !! එපමනක් නොව නව ලිබරල් ධනවාදී ගෝලීය ආධිපත්‍යයෙන් එල්ලවන විවිධ තර්ජන හමුවේ පලිහක්සේ පෙරට පැමිණෙන ප්‍රබල ආරක්ෂකයෙකි!!! කාදිනල් මැල්කම් රංජිත්ට එකෙකු හෝ වචනයක් කීවිට, කරුණා අම්මාන් සිංහල සෙබළුන් සිය දහස්ගානක් මරූ බව කීවත් ඒගැන වද නොවී, කාදිනල්ගේ සහයට ඔවුහු වහා වහා සටනට වඩින්නේ ඒහිනි!!!
නලින්ද සිල්වා වැනි ජාතිකවාදීන්ගේ තක්සේරැව කෙසේවුවද 'බෝර්න් අගේන් ක්‍රිස්තියානි' (Born Again Christian) සභා වැනි ඒවන්ජලිකල් ක්‍රිස්තියානි සභා (Evangelical Christianity) සමග කතෝලික සභාවේ පාප්තුමා වැනි ඉහල නායකත්වයන් කටයුතුකරමින් සිටින්නේ වෙනත් ආකල්පයක සිටය. කතෝලික-ප්‍රේතෙස්තන්ත්‍ර ආගම් අතර යුරෝපයේ පැවති 30 අවුරුදු යුද්ධය අවසන්වී දැන් බොහෝ කල් ගෙවීගොසිනි. එකී ආගමික බෙදීම් අතර දැන් ඇත්තේ යුද්ධය වෙනුවට සහයෝගයය. සමාදානයය. සහෝදරත්වයය. අඩු වැඩි වශයෙන් 'බෝර්න් අගේන් ක්‍රිස්තියානි' (Born Again Christian) සභා වැනි ඒවන්ජලිකල් ක්‍රිස්තියානි සභා (Evangelical Christianity) සමගද කතෝලික පල්ලිය යම් ආකාරය අන්‍යෝන්‍ය අවබෝධයක් ගොඩනගාගැනීමට කටයුතු කරමින් සිටී. අනෙක් අතට ඉස්ලාමීය ත්‍රස්‌තවාදයට එරෙහි පෙරමුණකට කතෝලික සභාව පෙළගැසෙන්නේ නැත. ඒ වැඩේ කරගහගෙන යන්නේ කතෝලික පල්ලිය නොව බටහිර රාජ්‍යයන්ය. එමෙන්ම නව ලිබරල් ධනවාදී ගෝලීය ආධිපත්‍යය සම්බන්දයෙන් කතෝලික සභාව විටෙන්විට, වරින් වර විවිධ විවේචනයන් එල්ලකලද නව ලිබරල් ධනවාදී ගෝලීය ආධිපත්‍යට විරුද්ධව ඍජු පෙළගැසීමක් නම් කතෝලික සභාව තුල දක්නට නැත.
එහෙත්, රංජිත් මැල්කම් කාදිනල්වරයා ලංකාව තුලදී නම් නව ලිබරල් ධනවාදී ගෝලීය ආධිපත්‍යය සම්බන්දයෙන් යම් යම් විවේචන ඉදිරිපත් කරයි. එහෙත් ඒ විශේෂයෙන්ම එක්සත් ජාතික පක්ෂ පාලනයක් පවතින අවස්ථාවලය. එකී ප්‍රතිපත්ති බොහෝදුරට රාජපක්ෂ පාලනයක් තුල දිග හැරෙනවිට ඔහුට එයට දක්වන්නේ ඉතා අල්මරුන උන්නදුවකි. ඇතැම්විට අපිට මේ ගැන තවමත් පැහැදිලි නිගමනයකට ඒමට කල් වැඩි වියහැක. කෙසේවුවද, කාදිනල් මැල්කම් රංජිත් මැල්කම් පාස්කු ප්‍රහාරයට පෙර සිටම රනිල් වික්‍රමසිංහගේ පාලනය ප්‍රතික්ෂේප කල, එහි බිදවැටීම අපේක්ෂා කලබව අවස්ථා කිහිපයකදීම පැහැදිලිවිය. විශේෂයෙන්ම රනිල් වික්‍රමසිංහගේ ජාතික ආණ්ඩුවෙන් ඉවත්වී ගිය ශ්‍රී ලංකා නිදහස් පක්ෂ මන්ත්‍රීවරු කාදිනල්තුමා බැහැදැකීමට ගිය අවස්ථාවේ ඔහු ඔවුන් සමග සිදුකල අදහස් බෙදාගැනීම තුල රනිල් වික්‍රමසිංහගේ පාලනය පිලිබදව සිය අප්‍රසාදය ප්‍රසිද්ධියේ මාධ්‍ය හමුවේ ප්‍රදර්ශනය කළේය.
ඔහු රනිල් වික්‍රමසිංහගේ ආණ්ඩුව බිදවැටීම අපේකෂා කලබව පැහැදිලිය. ඒ පාස්කු ප්‍රහාරයට වසර ගණනාවකට පෙරය. කාදිනල්තුමා රනිල් වික්‍රමසිංහගේ ආණ්ඩුවේ බිදවැටීම අපේකෂා කලේ ඔවුන් බටහිර නව ලිබරල් ධනවාදී ගෝලීය බලපෑම රටතුලට ගෙඩිය පිටින් කැන්දන් එන නිසා බව කියැවුනි. ඒකී බටහිර නව ලිබරල් ධනවාදී ගෝලීය ක්‍රියාදාමය තුල 'බෝර්න් අගේන් ක්‍රිස්තියානි' වැනි ඒවන්ජලිකල් ක්‍රිස්තියානි සභා මෙන්ම සමලිංගික විවාහ නීතිගත කිරීම දක්වා විහිදුන විශාල පරාසයක්විය. රනිල් වික්‍රමසිංහගේ එක්සත් ජාතික පක්ෂයට විරුද්ධ නිසාම කාදිනල් රාජපක්ෂවාදියෙකු යැයි යන මතයක් තහවුරුවුවා නොව එවැනි මතයක් ගොඩනැගීමටත්, තහවුරු කිරීමටත් කටයුතුකලේ රාජපක්ෂවාදීන්මය. 'අප සමග නොසිටින්නා අපේ අනෙකා' යැයි යන්න වෙනුවට රාජපක්ෂවාදය ලංකාව තුල ගොඩනැගුවේ 'අප සමග නොසිටින්නා අපේ හතුරාය' යන දෘඩ මතය ය. එවැනි සංදර්භයක් තුල කාදිනල්ට කාගේවත් හතුරෙක්වීමට අවශ්‍ය නැත. අනෙක් අතට රාජපක්ෂලා 'බෝර්න් අගේන්' වැනි ඒවන්ජලිකල් ක්‍රිස්තියානි සභා මෙන්ම සමලිංගික විවාහ නීතිගත කිරීම දක්වා විශාල පරාසයක විහිදෙන බටහිර නව ලිබරල් ධනවාදී ගෝලීය බලපෑම රටතුලට ගෙඩි පිටින් කැන්දන් එන්නේ නැති බව කාදිනල්තුමාට එත්තුයාමට ඇති ඉඩකඩද අතිමහත්ය. ඒ සියල්ලටම වඩා රාජපක්ෂ පාලනයක් තුල ආගමීක සංස්ථාපිතයන්ට, හික්ෂුන් ඇතුළු සියලු ආගමීක නායකත්වයන්ට රාජ්‍යය සැකැස්ම තුල හිමිවන අද්වීතීය ස්ථානයේ රශ්මිය ලංකා කතෝලික සභාවේ පියතුමන්ලාටද ආගම නායකයන් ලෙස නිබදවම ගලාඑන බව කාදිනල්තුමා පැහැදලිවම දනී. පුජකයින්ට, ආගමික සංස්ථාපිතයන්ට සුවිශේෂ වැදගත්කමක් හිමි නොවන රනිල් වික්‍රමසිංහලාගේ, මංගල සමරවීරලාගේ බටහිර නව ලිබරල් ධනවාදයට වඩා රාජපක්ෂලාගේ 'නව වැඩවසම් ග්‍රාම්‍ය ධනවාදය' ඔවුන්ට කෙතරම් නම් ආශ්වාදජනක වියහැකද?
එහෙත් හරීන් ප්‍රනාන්දුලාට එහි දිග පළල නොතේරේ. ඔහු හිතන්නේ කාදිනල් උපන්ගෙයිම රාජපක්ෂවාදියෙක් හෙවත් 'බෝර්න් රාජපක්ෂවාදියෙකු' බවද? එහෙම අය නැති බව හරීන් පමණක් නොව අප සියල්ලන් දනී. හරීන්ට මෙන්ම කාදිනල්ටද රනිල් විරෝධියෙකුවීමට ඕනෑ තරම් හේතු ඇත. ඒ හේතු පිලිබදව නිසි අධ්‍යයනයකින් තොරව කාදිනල් විවේචනය කිරීම හරීන්ට මැරිලා උපදින්නටම, නැවත ඉපදීමට ම, බොර්න් අගේන් වීමටම කටයුතු සැලසනු නියතය.
ඇත්තවශයෙන්ම, මහින්දානන්දගේ ක්‍රිකට් ලෝක කුසලානය පවාදීම ගැන කථාද, හරීන්ගේ කාදිනල් විවේචනයද, කරුණාගේ කොටි කෙරුවාවල්ද හුදු හිස් ලාභ මැතිවරණ ප්‍රචාරණය උපක්‍රමයන්ට වඩා වැඩක් ඇති කථාවන් ලෙස සැලකියයුතු නොවේ. අනෙක් අතට කාදිනල් පාස්කු ප්‍රහාරය දඩමීමා කරගෙන කතෝලික ඡන්ද ගෝඨා පිලට ලබාදෙන්නට දැවැන්ත උත්සාහයක් ගත් බවට ඔහු කරන චෝදනාව පැහැදිලිවම පදනම් විරහිතය. විශේෂයෙන්ම කතෝලික ප්‍රදේශවල ජනයා චන්ද භාවිතාකර තිබු ආකාරය දෙස බැලීමේදීවුවද එය පැහැදිලිවම පෙනීයන්නකි. මීගමුවේදී ගෝඨාභය පරාදය...මීගමුවේ පමණක් නොව කටුවපිටිය චන්ද කොට්ටාශ දෙකේම ඔහු පරාදය... ආසන්න වශයෙන් ලංකාවේ මුළු කතෝලික ජන්ද සංඛ්‍යාව ලක්ෂ 7ක් පමණය. ඉන් ලක්ෂ 5කට වඩා සිටින්නේ මොරටුවේ සිට හලාවත දක්වා වෙරළ තීරයේය. එම ප්‍රදේශවලින් ගෝඨාභය රාජපක්ෂට වැටුන චන්ද සංඛ්‍යාව දෙස බැලීමේදී පෙනීයන්නේ කාදිනල් පාස්කු ප්‍රහාරය දඩමීමා කරගෙන කතෝලික ඡන්ද ගෝඨා පිලට ලබාදෙන්නට දැවැන්ත උත්සාහයක් ගත් බවට ඔහු කරන චෝදනා පදනම් විරහිත බවය. පැහැදිලිවම පැවසිය යුතුදෙයක් වනුවේ කතෝලිකයින්ගේ චන්ද ප්‍රකාශකිරීම සහ කතෝලිකයින්ගේ දේශපාලන මතය සම්බන්දයෙන් කාදිනල්ට තියා පල්ලියේ ස්වාමි කෙනෙකුටවත් කල හැකි මහා ලොකු බලපෑමක් නැති බවය. කාදිනල්ට මෙන්ම පල්ලිවල පියතුමන්ලාද කතෝලික ජනයාගේ අධ්‍යාත්මික ජීවිතයට විශාල බලපෑමක් එල්ල කල හැකිවුවද කතෝලිකජනයාගේ දේශපාලන මතයන් සමබන්දයෙන් කලහැකි කිසිදු බලපෑමක් නැති තරම්ය. අත්තවශයේන්ම, ඔවුන් ඒ සදහා තීරණාත්මක මැදිහත් නොවේ. පැහැදිලිවම පල්ලිය කියන කරන දේ අනුව අපේ අපේ පලාත්වල මිනිස්සුන් චන්දේදීමට යන්නේ යන්නේ නැත. අපේ බටහිර වෙරළ තීරයේ ජනයා 'මරියා වන්' ගැන මෙන්ම 'මාරියාවන්' (ගහගෙන මහ රැල්ල) ගැනද හොදින් දනී. එහෙයින් එන එන රැල්ලට ඔවුන් පැන පැන ප්‍රතිචාර දැක්වීමට නොයයි. එක්සත් ජාතික පක්ෂය එකී ප්‍රදේශවල ජනයාට සුවිශේෂ කිසිවක් නොකලද ජාතිවාදයට නතු නොවීම, නිදහස සහ ප්‍රජාතන්ත්‍රවාදය යන කරුණු නිසා ඔවුහු එක්සත් ජාතික පක්ෂයට යම් සහයෝගයක් දැක්වුවන බව පැහැදිලිය. එහෙත් ඔවුන්ට හෝ ඔවුන්ගේ ප්‍රදේශවල සංවර්ධනයට කිසිවක් නොකර එක්සත් ජාතික පක්ෂයේ චන්ද බැංකුවක් ලෙස එම ප්‍රදේශ සහ එම ජනයා සම්බන්දයෙන් කටයුතු කිරීමට යෑම නිසාම එක්සත් ජාතික පක්ෂය සිය පදනම් අහිමිකරගනිමින් සිටී. හරීන් ප්‍රනාන්දු කරගනිමින් සිටිනේද එයය.
මාකස් ප්‍රියන්ත පෙරේරා
24/06/2020
https://lankacitizens.com/political/හරීන්-ප්%e2%80%8dරනාන්දු-බෝර්න්/
ReplyDeleteThanks
ReplyDeleteකතෝලිකයෝ දෙමළ ජාතිවාදයට කඩේ යනවා,
ReplyDeleteබෝන් අගේන් කාරයෝ දෙමෙල්ලුන්ව උන්ගේ ආගමට හරවා ගන්නවා.
බලපුවාම කතෝලිකයන්ට වඩා උන් හොඳයි.
මේ කියන බෝන් එගේන් කියන්නේ මොකක්ද කියලා විස්තර සහිත ලිපියක් ලියන්න පුළුවන්ද?
ReplyDelete