මහින්ද රාජපක්ෂලා මහතා සිය ඉන්දියානු සංචාරයට 'මිරිස්කුඩු' ප්‍රසන්නව එක්ක ගියේ ඇයි යන්න පිලිබදව විවිධ දෑ පලව තිබුනි. ඒවායින් කියවුණු එක් අදහසක්වුයේ ප්‍රසන්න රණවීරට වඩා අනෙක් පොහොට්ටු මංත්‍රින් වෙනස් නොවන බවය. එනම් මැරයෙක්, කිසිම වැදගත්කමක් ප්‍රදර්ශනය නොකරන ප්‍රසන්න රණවීර හෙවත් 'මිරිස්කුඩු ප්‍රසන්නට' වඩා අනෙක් පාර්ලිමේන්තු මන්ත්‍රීවරු වැදගත්වෙන්නේ කෙසේද යන්න ප්‍රශ්නකර තිබුනි. ලියා තිබු තව අදහසක් ප්‍රශ්නකර තිබුනේ "වත්තල හුණුපිටියේ දුගී පවුලක ඉපදුනු ප්‍රසන්නට ජනතා නියෝජිතයෙක් වශයෙන් කලාපීය නායකයාවන මෝඩි සමග එකට සිට අතට අතදීමේ ඇති වැරැද්ද කුමක්ද?" යන්නය. ප්‍රභූවරුන් අතර නිර්ප්‍රභූන්ට ඇති තැන කුමක්ද යන්න ප්‍රශ්න කරමින් නිර්ප්‍රභූ පදනමකින් මතුකර තිබූ එම අදහස තුල පීඩිත නිර්ප්‍රභූට මෙතරම් ගැරහිලි ඇයි යන්න මතුකිරීමට යම් උත්සාහයකදරන බවක් දැකිය හැකිවිය. අවශ්‍ය නම් එයටම ඈදුනු තවත් සටහනක් ලෙස සැලකිය හැකි තවත් සටහනක කියවුනේ ''ඇයි ප්‍රසන්න විතරද ජරා අනෙක් අය සුදු චරිතද?'' ආදී ලෙස ප්‍රශ්න කර තිබුනි. තවත් අය ''මෝදීව මුට පෙන්නේ කහ කුඩු බෝතලයක් වගේයි!!'', ''මෝඩිගෙයි මුගෙයි ලොකු වෙනසක් නැහැ'', ''මු හිතන් ඉන්නේ රාහුල් ගාන්ධි කියන්නේ මහත්මා ගාන්ධිගේ මුණුබුරා කියලයි'' ආදී හාස්‍යට සහ උපහාසයට ලක්කර තිබුණි.
මම නම් හිතන්නේ ඔය සියල්ල වැඩකට නැති හුදු 'පට්ටන්දර' වර්ගයේ ප්‍රකාශන වලට වඩා යමක් නොවන බවය. ඒ කිසිම ප්‍රකාශනයක් තුල මූලික ප්‍රශ්නය සාකච්ඡා කර නොතිබුණි.
මූලික ප්‍රශ්නය වශයෙන් මම සදහන් කලේ මහින්ද 'මිරිස්කුඩු ප්‍රසන්නව' සිය ඉන්දීය සංචාරයට එක් කර ගත්තේ ඇයි යන්නය. ය ඔහුට ඒ සදහා වෙන කිසිවෙක් සිටියේ නැද්ද? ඇරත්, මහමැතිවරණය ආසන්නයේම නරකට ප්‍රකට චරිතයක් සමග එවැනි ගමන් යන්නේ ඇයි? මෙවැනි දේවලින් ගෝඨාභය රාජපක්ෂත් සවුත්තු වෙනවා නේද? ජනාධිපතිවරයා ලෙස අභිනවයෙන් පත්වූ ගෝඨාභය රාජපක්ෂ මහතා සහ ඔහු බලයට පත්කල ජනතා අපේක්ෂාද මහින්දගේ මේවැනි වැඩ නිසා බිද වැටෙනවා නේද යනුවෙන්ද අවශ්‍ය නම් කිසිවෙකුට ඇසිය හැක.
මේ සම්බන්දයෙන් මම නම් හිතන්නේ මහින්ද රාජපක්ෂ මහතා මිරිස් කුඩු ප්‍රසන්නව ඉන්දියාවට එක්ක ගියේ පණිවිඩයක්දීම සදහා බවය.
එම පණිවිඩය ඉන්දියාවට නොව සිය අනුගාමිකයන්ට දෙන පණිවිඩයකි. ඔහු ප්‍රසන්නව සිය රාජ්‍ය තාන්ත්‍රික ගමනට එක්කරගෙන ගොස් සිය අනුගාමිකයන්ට දුන් පණිවිඩය නම්: ''මිරිස්කුඩු නෙමේ අයිසේ, මම කියනවා නම් තමුසෙලා ඕනේ දෙයක් කරනවා... මම තමුසෙලාව ඕනෑ දිල්ලියක ගෙනි යන්නම්'' යන්නය.
මහින්ද රාජපක්ෂලා කවදත් කටයුතු කලේ එලෙසය. ඔහු සිය පාක්ෂිකයින්ට සැලකීමේදී කිසිදු දෙයක් ගැන පැකිලෙන්නේ හෝ තකන්නේ නැත. නොකරයි. එය රනිල් වික්‍රමසිංහලාට වඩා බොහෝ වෙනස්ය.
පසුගිය දිනක මා දුටු දෙයක්වුයේ රනිල් වික්‍රමසිංහ විපක්ෂයේ සිටියදී වේදිකා තනා ඔහුව රටපුරාම ගෙනගිය තැනැත්තෙක් රනිල් වික්‍රමසිංහ අගමැතිධුරයෙන් ඉවත්ව යද්දී රනිල් වික්‍රමසිංහ සමග ගනු ලැබූ ඡයාරූපයක පවා රනිල් සිටියේ අහක බලාගෙනය. එය එක්තරා ආකාරයකට කියාපෑවේ "අයිසේ මම ගෙදර යන්නේ තමුසෙලාට වැඩ බැරි නිසානේ..." යි යන්නය. ඇතැම්විට එවැනි තත්වයකදී මහින්ද රාජපක්ෂ හැසිරෙන්නේ ඊටත් වඩා කණගාටුදායක ලෙස විය හැක.
කෙසේවුවද මට කියන්නට අවශ්‍යවුයේ එය නොවේ, මහින්ද ප්‍රසන්නව ඉන්දියානු ගමනට එක්කරගෙන ගියේ ''අයිසේ, මිරිස්කුඩු නෙමේ, මම කියනවා නම් තමුසෙලා ඕනේ දෙයක් කරනවා... මම තමුසෙලාව ඕනෑ දිල්ලියක ගෙනියන්නම්'' කියන පණිවිඩය සිය පාක්ෂිකයින්ට මතක්කර දීමටයි යන්නය. මේ අනුව ලග එන මහමැතිවරණය කොයි ආකාරයක් ගන්නේද යන්න ගැන හිතාගත හැකිවෙනු ඇත.
මාකස් ප්‍රියන්ත පෙරේරා
10/02/2020
If you're trying to lose fat then you need to jump on this totally brand new personalized keto plan.
ReplyDeleteTo create this keto diet, licensed nutritionists, fitness trainers, and chefs joined together to develop keto meal plans that are powerful, painless, money-efficient, and satisfying.
Since their grand opening in early 2019, thousands of people have already transformed their figure and health with the benefits a professional keto plan can offer.
Speaking of benefits; clicking this link, you'll discover 8 scientifically-confirmed ones provided by the keto plan.