සිය දරුවන් 04 දෙනා සහ භාර්යාව සමග ලංකාවේ නිවාඩුවක් ගතකරමින් සිටියදී ඉකුත් පාස්කු ඉරිදා එල්ලවූ ත්‍රස්‌තවාදී ප්‍රහාරයට ලක්ව, කොළඹ Shangri-La හෝටලයේදී දරුවන් 3දෙනෙකුම අහිමිවූ ඩෙන්මාර්ක් ජාතික බිලියනපතියෙකුවන Anders Holch Povlsen මහතා ව්‍යාපාර කිහිපය අධ්‍යක්ෂකධුරවලින් ඉවත්වී තිබේ.
ලෝකප්‍රකට ASOS, Zalando, Bestseller, Vila, Jack & Jones ආදී ඇදුම් විලාසිතා අලෙවිකරන ආයතන කිහිපයක්ද, UKMail, DHL ආදී වෙනත් ආයතන කිහිපයක්ද, වර්ග කිලෝමීටර් 1000ට අධික දේපලක් ස්කොට්ලන්තයේද, තවත් එවැනිම දේපල සමුහයක් රුමේනියාවේ සහ ඩෙන්මාර්කයේද හිමිකරගෙන සිටින Anders Holch Povlsen මහතා මෙසේ අධ්‍යක්ෂකධුරවලින් ඉවත්වී ඇත්තේ Vila සහ Bestseller ව්‍යාපාර ජාලයට අයත් සමාගම් කිහිපයකිනි.
ඒ අතරින් Vila ව්‍යාපාරික ආයතනය යනු Anders Holch Povlsen මහතා 1990 සිට අධ්‍යක්ෂධුරය දැරූ මෙන්ම ඔහුගේ ව්‍යාපාරික ජීවිතයේ සාර්ථකත්වයට වඩාත් දායකවූ ව්‍යාපාර ආයතනයවිය. මීට අමතරව ඔහු කොටස්හිමිකරගෙන සිටි සමාගම් රාශියකම කොටස් විකුණා දමමින් සිටින බවද වාර්තාවේ. ඒ අතර UKMail සහ DHL ආදියදවේ. දැන් UKMail ආයතනය DHL ආයතනය සමග ඒකාබද්ධවී සිටී.
පාස්කු ප්‍රහාරය නිසා සිය දරුවන් 04 දෙනාගෙන් 03 නෙකුම අහිමිවීමේ ශෝකය ඔහුට, ඔහුගේ බිරිදට සහ ඉතිරිවී ඇති එකම දරුවාට පමණක් නොව ඔහුගේ ව්‍යාපාරයන්වලටද තදින් බලපා තිබේ. සිය දරුවන්ගේ මරණය ගැන ශෝකය පලකරමින්, දහස්ගණන් ශෝකපත් එවූ සියල්ලන්ටම ස්තූතිය පලකල කරමින් අදහස් දක්වා සිටි ඒ මහතා එවන් විපතක් වෙන කිසිවෙකුට නොවේවා යැයි ප්‍රාර්ථනා කළේය.
මේ අතර ලංකාවේ පාස්කු ප්‍රහාරය වලක්වා ගැනීමට තිබු බව දැන් ලොවපුරාම පිළිගැනීමට ලක්ව ඇත. විශේෂයෙන් ආරක්ෂක ඇමති, ශ්‍රී ලංකාවේ ජනාධිපති මෛත්‍රීපාල සිරිසේන මහතා සිය වගකීම් ඉටු නොකර ඇති බවත්, ජීවිත සිය ගණනක් අනතුරේ හෙලා ඇති බවත් ලෝක මාධ්‍ය ඔස්සේ හෙළිදරුව්වෙමින් තිබේ.
මේ තත්වය හමුවේ වෙනත් කවරෙකු හෝ බිල්ලට දී තමන්ගේ ඇග බේරා ගැනීමට ශ්‍රී ලංකාවේ ජනාධිපති මෛත්‍රීපාල සිරිසේන ජනාධිපතිවරයා දගදරමින් සිටී. එහිලා ඔහු ප්‍රථමයෙන් අගමැති රනිල් වික්‍රමසිංහ ඇතුළු ආණ්ඩුවට වරද පවරා නිදහස්වීමට දැරූ උත්සහය දැන් අසාර්ථකවී ඇති තත්වයක් තුල හිටපු පොලිස්පතිවරයා සහ ආරක්ෂාක අමාත්‍යාංශයේ හිටපු ලේකම්වරයා මත වගකීම පවරා නිදහස්වීමට උත්සහ කරමින් සිටී.
ජනාධිපති මෛත්‍රීපාල සිරිසේන මහතා මෙසේ පාස්කු ප්‍රහාරයේ වගකීම කවරකුට හෝ පවරා නිදහස්වීමට උත්සහ කරන්නේ මාස දෙකක් ගතවී තිබුනද පාස්කු ප්‍රහාරය ගැන මතකය අමතකවී නොයාමත්, පාස්කු ප්‍රහාරයෙන් විපතට පත්වූවන් වෙනුවෙන් යුක්තිය ඉල්ලා හඩ නැගීම ලංකාව තුල පමණක් නොව ජාත්‍යන්තරවත් වර්ධනයවීමේ තත්වයක් තුලය. එය තමාට සිරදඩුවම් පැනවීම්ක් දක්වා පමණක් නොව සිය පවුලේ සමාජිකයින්ට පවා යුරෝපය ඇතුළු රටවල් රාශියකට ඇතුල්වීමට සහ ආයෝජනය කිරීමට පවා අවස්ථා අහිමිකිරීමට හේතුවන තත්වයක් දක්වා වර්ධනයවේ යැයි යන අනතුරු ඇගවීමක් ජනාධිපතිවරයාට කවරකු හෝ ලබාදී ඇති බවක් පෙනේ.
විශේෂයෙන්ම පාස්කු ප්‍රහාරයෙන් විපතට පත්වූවන් වෙනුවෙන් යුක්තිය සහ සාධාරණත්වය දිනාගැනීමට ඩෙන්මාර්කයේ බිලියනපති Anders Holch Povlsen මහතාට සහ Alex Nicholson මහතාට දිනපතා ඉල්ලීම් ඉදිරිපත්වෙමින් ඇතැයි කියවේ. පාස්කු ප්‍රහාරයෙන් Alex Nicholson මහතාගේ දරුවන් දෙදෙනාම මෙන්ම සිය බිරිදවූ සිංගප්පූරුව කේන්ද්‍රකරගත් ප්‍රකට නීතිවේදිනියකවූ Anita Nicholson මහත්මියද මියගියහ.
මේ අතර පාස්කු ප්‍රහාරයෙන් විපතට පත්වූවන් වෙනුවෙන් යුක්තිය සහ සාධාරණත්වය ඉටුකරගැනීමට ජාත්‍යන්තර වශයෙන් මැදිහත්විය යුතුයැයි යනුවෙන් ඉල්ලාසිටින පිරිස අතරට අළුතින්ම එකතුවෙමින් සිටින පිරිස වනුවේ ශ්‍රී ලංකාවේ මානව හිමිකම් කඩවීම් සම්බන්දයෙන් දිගින් දිගටම හඩ නැගූ පිරිස්ය. ශ්‍රී ලංකාව සුළු ජාතීන්ගේ අයිතිවාසිකම් ආරක්ෂා කරන්නේ නැති, ඔවුන් සමුල ඝතනයවීමට ඉඩ සලසන වර්ගවාදී රාජ්‍යයක් යැයි නිතර හඩ නගන ඔවුන් දැන් පෙන්වා දෙන්නේ එය දෙමළ ජනයාගෙන් නොනැවතී නව වටයකින් මුස්ලිම් සහ ක්‍රිස්තියානි ජනයා වෙතද පැමිණ ඇති බවයි.
වර්ධනය වෙමින් ඇති මේ තත්වය හමුවේ ශ්‍රී ලංකා කතෝලික සභාව කුමන ක්‍රියාමාර්ගයකට යොමුවේදැයි යන්න ගැන සියල්ලෝ විමසීමෙන් පසුවෙති. විශේෂයෙන්ම යුක්තිය සහ සාධාරණත්වය දිනාගැනීම සදහා මැල්කම් රන්ජිත් කාදිනල්තුමා ඇතුළු ශ්‍රී ලංකා කතෝලික සභාවට වඩ වඩාත් සක්‍රියව දායකවෙන්න යැයි ඉල්ලීමද දිනෙන් දින ඉහල යමින් තිබේ. එය වතිකානුව දක්වා හමා යෑමට වැඩි කලක් නොයන ඇත.
මෙම පෙළගැසීම් අතරතුර ඩෙන්මාර්ක් ජාතික බිලියනපති Anders Holch Povlsen මහතා සිය ව්‍යාපාරික වගකීම්වලින් තරමක් නිදහස්වෙමින්, ව්‍යාපාරික ක්ෂේත්‍රයට සම්බන්ද නැති කණ්ඩායම් කිහිපයක් මුණගැසෙමින්, ස්කොට්ලන්තයේ මේ දිනවල සිදුකරමින් සිටින්නේ කුමක්දැයි යන්න ගැනද අවධානය යොමුවෙමින් පවතී.
මාකස් ප්‍රියන්ත පෙරේරා
02/07/2019
I am sure Mr Sirisena is looking for a escape-goat, however don't forget most in current govt (mostly PM Ranil) is responsible as well.
ReplyDeleteIn some way Sirisena is also is a escape-goat, since MS is not as cunning as Ranil. All those who supported UNP+JVP to bring inexperience uneducated MS to manage this country has forgotten their sins. (remember UNP made a 3 wheel driver Colombo mayor?)
True.
ReplyDelete