මීගමුවේ කොටුව මීගමුවේ දේශපාලනය තීරණය කරණු ඇත

මීගමුව පෘතුගීසි-ලන්දේසි කොටුවේ තවත් පින්තුරයක් සයිබර් අවකාශයෙන් දැන් මතුව ඇත. 1956 දී ගන්නා ලද මෙම ඡයාරූපය බ්‍රිතාන්‍යන් මීගමුව කොටුවේ විශාල කොටසක් කඩා ඉදිකළ මීගමුව බන්ධනාගාරයට ඇතුල්වීම සදහා මීගමුව කොටුවේ පිවිසුම් දොරටු වඩා භාවිතයට ගැනීමට පෙර තත්වය කියාපායි. එකල මීගමුව කොටුව අවට පෙදෙස කෙතරම් නිස්කලංක පෙදෙසක් දැයි යන්න මෙම ජායාරූපයෙන් මනාව පැහැදිලිවේ. තඹ පාට වැල්ල සිපගන්නා නිල්වන් මුහුදට මුහුණලා පිහිටි තද කොලපාට ගස් සමුහයත්, දුබුරුවන් තණබිස්සත් මවන ලද විචිත්‍රත්වය අද අපේ දෑසට දැකිය හැක්කේ මෙවැනි ජයාරූප තුලින් පමණි. 

රටේ මෙන්ම මීගමුවේද සුන්දරත්වය විනාශ කලේ වැඩිවශයෙන්ම දේශපාලුවන්ය. නිමල් ලාංසාගේ අනුග්‍රහය යටතේ මීගමුව කොටුව වෙරළ කරෝල මුදලාලිලාට කාබාසිනියා කිරීමට ඉඩදුනි. මීගමුවේ කොටුව ගරාවටීමට ඉඩහැර එය ඉතිහාසයෙන් අතුගා දැමීමට ඉඩදී බලාසිටියහ. කොටුවේ කොටසක් උසාවියේ රථගාල විය. නගරයේ එක් පිවිසුමකට මුහුණලා පිහිටි ග්‍රීන් පාර්ක් පිටිය තමිල්නාඩුවේ පෙට්ටි කඩ පිටියක් කළේය (වාසනාවකට ඔහුගේම සොහොයුරා, දයාන් ලන්සා, නගරාධිපතිවූ විට එම කඩ කඩා ඉවත්කළේය). අපගේ අඛණ්ඩ මැදිහත්වීම නිසාම අධ්‍යාපන ඇමති අකිල විරාජ් කාර්යවසම් මහතා යටතේ සංස්කෘතික විෂය පැවති සමයේදී මීගමුව කොටුව ප්‍රතිසංස්කරණය කරගැනීමට හැකිවිය. මීගමුව ඒ. ජා. පක්ෂයේ සංවිධායකයාවූ රොයිස් විජිතට මේ ගැන මැදිහත්වෙන ලෙස අවස්ථා ගණනාවකදී අපි දැනුම් දුන්නෙමු. ඔහු කිසිවක් නොකළේය. තම පක්ෂයේ ලේකම්වරයාගේ මැදිහත්වීමෙන් තම නගරයේ ඇති ප්‍රධාතම පුරාවස්තුව සංරක්ෂණයටවත් ඔහු උනන්දු නොවීය. මීගමුවේ කොටුව මීගමුවේ අනාගත දේශපාලනය තීන්දුකරන බව අපි ලිව්වෙමු. 

අද ඔහුගේ සංවිධායක ධූරය පිටස්තරයෙකුට දී ඇත. මම දැන්වුවද දක්වනුවේ, ''මීගමුවේ කොටුව මීගමුවේ අනාගත දේශපාලනය තීරණ කරන බවය''. එහි අර්ථය මීගමුවේ වහලක් නැති මිනිස්සුන්ට තහඩු ටිකක්, පිට්ටනියක් නැති කොල්ලන්ට/කෙල්ලන්ට බෝල ටිකක්, ඔරුවක් නැති ධීවරයන්ට හබලක්, වෙරළක් නැති සංචාරකයින්ට හෝටල් දී මීගමුව ගොඩනැගිය නොහැකි බවය. මීගමුවට ඇත්තටම වැඩක් කිරීමට යමෙක් ක්‍රියා කරන්නේ නම් ඔහු මීගමුව කොටුව, මීගමුව වෙරළ, මීගමුව කලපුව, මීගමුව ග්‍රීන් පාර්ක්‌ පිටිය ආදී පොදු ස්ථාන පොදු ජනයාගේ පොදු අවකාශයට විවර කල යුතුය. තනි තනි පුද්ගලයාගේ නොව පොදු ජනයාගේ පොදු අවකාශය පුළුල් කිරීමෙන් තොර දේශපාලනයක් මීගමුවේ සාර්ථක නොවනු ඇත. පැහැදිලිවම එය මීගමුවේ නව UNP සංවිධායක කාවින්ද ජයවර්ධනට නම් කිවයුතුමය. මීගමුවට වැඩක් නොකර නම් මීගමුවේ ජන්ද ගැනීමට සිතීම විහිළුවකි. මොන චෝදනා පැවතියද ලන්සලා මීගමුවේ කප් ගසන්නේ ඔවුන් වැඩකරන බව මීගමුවේ ජනයා සිතන නිසාය. ඔවුන්ට වඩා වැඩ කිරීමෙන් තොරව ඔවුන් ආභිභවා යානොහැක. මීගමුව කොටුව සහ ඒ අවට වෙනුවෙන් කරන ඕනෑම මැදිහත්වීමක් වැදගත්වන්නේ එවැනි වපසරියක් තුලය.

Marcus Priyantha Perera. 

(12/02/2019)