දෙවන ලෝක යුද්ධය නිමවී වසර 70ක් ගතව ඇතත් යුරෝපය එම අමිහිරි මතකයන් අමතක කර නැත. සතිපතා පලවන පුවත්පත් ලිපි, රූපවාහිනී වැඩසටහන්, නැවත නැවත නිකුත්වන ඡයාරූප, චිත්‍රපට, පොත්පත්, විවිධ සමරු වැඩසටහන්, පාසැල් විෂය නිර්දේශයන් යනාදී ක්‍රියාකාරකම් මගින් යුරෝපය එම වේදනාත්මක අමිහිරි මතකයන් පරපුරෙන් පරපුරට තවදුරටත් අළුත් කරමින් තිබේ.
ඒ මතු කිසිම දිනක ඇඩෝප් හිට්ලර් වැනි ජාතිවාත්සල්‍ය සහ විද්‍යාත්මක සංවර්ධනය පෙරටු කරගනිමින්, ප්‍රජාතන්ත්‍රවාදය සහ යහපාලනය නාමයෙන් ජනයා මුලාකරමින් බලයට පැමිණ, දසලක්ෂ ගණනක ජනයා නිර්ධය ලෙස මරාදැමු, යුද්දෙව් ජාතිකයන් වැනි සුළු ජන කණ්ඩායම් සමූලඝාතනය කල, කලාකරුවන්ට, බුද්ධිමතුන්ට, විද්වතුන්ට මරණය ගෙන දෙමින්, ඔවුන්ගේ වස්තු සම්පත් සහ නිර්මාණයන් කොල්ලකමින් යුද්ධවාදී වැඩපිළිවලක් දියත්කල ජාතීවාදී මානසික රොගීන්ගේ පාලනයක් වූ නාසීවාදී ඒකාධිපති පාලනයක් නැවත ඇති නොවීම සදහාය.
1934 සිට 45 දක්වා ජර්මනියේ පැවති ඇඩෝප් හිට්ලර්ගේ නාසි පාලනය මගින් සිදුකල අපරාධ කෙතෙක්ද යත්, වසර ගනනාවක් ගතව ඇතත් තවමත් එම අපරාධ සම්පුර්ණයෙන්ම සොයාගෙන ඒ සම්බන්දයෙන් පරීක්ෂන පවත්වා අවසන්ව නොමැත.
පසුගිය සතියේ නිරිතදිග පෝලන්තයේ රහසිගත උමගක සගවා ඇතැයි සොයාගත් නාසී දුම්රියද එවෙනි තවත් අපරාධ රාශියක තොරතුරු හෙලිකිරීමට සමත්වෙනු ඇත. දෙවන ලෝක යුද්ධයේ අවසාන සමයේදී සෝවියට් රුසියානු රතු හමුදාවන් නාසීන්ට පහර පිට පහර ගසමින් පෝලන්තයේ හරහා ජර්මනිය දෙසට ගමන් අරම්භකල විට, නාසීන් සිදුකලේ ඔවුන් විසින් කොල්ලකන ලද වස්තු සම්භාරයන් සම්පුර්නයේන්ම ආවරණය වූ දුම්රියක ගබඩා කර රැගෙනයාමයි. එහෙත් ඒම දුම්රිය ගියේ කොහේද? එයට සිදුවුයේ කුමක්ද? යන්න යුද්ධය අවසන් වී වසර 70 ක් ගතවුවද විසදී නොතිබිණි.
ඒහින් එය සැගවූ වස්තුන් සොයන්නන්ගේ වස්තුවිෂයක් බවට පත්වූ අතර එය සොයා ගැනීමට විවිධ පුද්ගලයන් විවිධ උත්සාහයන් හී නිරතවූ බව වාර්තාවේ. එහෙත් පසුගිය සතියේ නිරිතදිග පෝලන්තයේ Walbrzych නගර සභාවට ලිපියක් එවූ ජර්මන් සහ පෝලන්ත ජාතිකයන් දෙදෙනෙක් තමන් අදාල දුම්රිය සොයාගත් බවත් එහි ඇති වස්තූන්ගේ වටිනාකමින් 10% ක් තමන්ට ගෙවන ලෙසත් දන්වන ලදී. මේ ඔස්සේ පෝලන්ත රජය කල භූගත රේඩාර් පරීක්ෂණයකින් ඉහත කරුණ සත්‍යයක් බව සනාථකරගෙන තිබේ.
ඉහත සදහන් කල පුද්ගලයන් දෙදෙනාට මෙම අතුරුදහන් වූ දුම්රිය පිළිබඳව තොරතුරු හෙළිකර ඇත්තේ මරඇදේ සිටි වයස්ගත පුද්ගලයෙක් බවත් ඔහු එම දුම්රිය සැගවීමට උදව්කල පුද්ගලයෙක් බවත් කියවේ. එම තොරතුර ඔස්සේ අදාල ජර්මන් සහ පෝලන්ත ජාතිකයන් දෙදෙනා සිදුකල පරීක්ෂණ මගින් මෙම දුම්රිය පිළිබද කථාවේ සත්‍ය මතුකරගෙන තිබේ.
මෙම දුම්රියේ ඇත්තේ නාසීන් විසින් කොල්ලකන ලද චෙකොස්ලෝවැකියානු මහා බැංකුවේ රත්රන් සමුච්චය ද, රුසියාවේ මහා කැතරින් මාලිගයේ පලිගු කාමරයේ සවිකර තිබු රත්රන් බිත්තිද, එහි තිබු දියමන්ති සහ වෙනත් වස්තුන්ද, නැතහොත් යුදෙව් ජනයාගෙන් කොල්ලකන ලද වස්තුසම්බාරයද, එසේත් නැතිනම් නාසීන් කවදත් ප්‍රියකළ මිල අධික රෆායෙල්, ඩාවින්චි, ආදීන් අදින ලද සිතුවම් ද ?නැතහොත්, යුද්ධායුධ, විෂ රසායනික ද්‍රව්‍ය, වෙනත් ලියකියවිලි ආදීයද ? යන්න ගැන තවමත් කිව නොහැකි නමුත් අදාල වස්තුන් සහ වෙනත් වටිනා දෑ නියම පුද්ගලයින්ට නැවත බාරදෙන බව පෝලන්ත රජය දැන් නිලවශයෙන් නිවේදනය කර තිබේ.
එහෙත් මෙම දුම්රිය අවට අටවා ඇතැයි කියන බිම්බෝම්බ සහ වෙනත් මර උගුල් ඉවත්කර නැවත එය පිටතට ගෙන තනිකර වානේවලින් ආවරණය කර සීල් කර ඇති දුම්රිය විවර කිරීමට නම් තවත් මාස කිහිපයක් ගතවනු ඇත.
ඒ කෙසේවුවද, ශ්‍රී ලංකාවේ වැසියන් ද ඇඩෝප් හිට්ලර් සහ ඔහුගේ නාසී පක්ෂයේ වැඩපිළිවෙල, ඔවුන් බලයට පැමිණියේ කෙසේද? ඒ සදහා ඔවුන් භාවිතාකල උපාය උපක්‍රම කවරේද? ජාතිවාත්සල්‍ය සහ විද්‍යාත්මක සංවර්ධනය පෙරටු කරගනිමින් බලයට පැමිණි ඔවුන් ජර්මන් ජාතියම විශාල ප්‍රපාතයකට ඇද දැම්මේ කෙසේද? යන්න පිළිබඳව අවදානය යොමුකිරීමට දැන් කාලය පැමිණ තිබෙන බව පෙනේ. ඒ මන්දයත් ගෙවීගිය සිවිල් යුද්ධය ඇසුරින් පෝෂණය වූ ලංකාවේ නාසීට ද දැන් බලයට පැමිණීමට ඇත්තේ යොදුන් දෙකක දුරක් පමණක් වන බැවිනි.
2015 මහා මැතිවරණයෙන් පසුව ගොඩනැගෙන නව දේශපාලනය වනුයේ මෙම නාසීට එරෙහිව පෙළගැසීමයි.
ඒ මන්ද යත්...... ලංකාවේ නාසීට ද
බලය ගැනීමට තව ඇත්තේ යොදුන් දෙකක දුර පමණක් වන බැවිනි !!!!!
30/08/2015.
